மோட்டார்சைக்கிள்கள் மோதல்; 2 பேர் பலி

மானாமதுரை,

மானாமதுரை அருகே மோட்டார்சைக்கிள்கள் மோதிய விபத்தில் 2 பேர் பலியாகினர். மேலும் ஒருவர் படுகாயம் அடைந்தார்.

நேருக்கு நேர் மோதல்

சிவகங்கை மாவட்டம் மானாமதுரை அருகே உள்ள கால்பிரிவு கிராமத்தை சேர்ந்தவர் சிவலிங்கம் (வயது 45). இவரும், அதே பகுதியை சேர்ந்த மலையாண்டி (45) என்பவரும் இரவு மோட்டார்சைக்கிளில் சென்று கொண்டிருந்தனர்.

அதே போல ராமநாதபுரம் மாவட்டம் பரமக்குடி பொன்னையாபுரத்தை சேர்ந்த நல்லான் (30) மதுரையில் இருந்து பரமக்குடிக்கு மோட்டார்சைக்கிளில் வந்து கொண்டிருந்தார். மானாமதுரை அருகே கிருங்காக்கோட்டை என்ற இடத்தில் வந்த போது 2 மோட்டார்சைக்கிள்களும் எதிர்பாராதவிதமாக நேருக்கு நேர் மோதி விபத்துக்குள்ளானது.

2 பேர் பலி

தூக்கி வீசப்பட்டதில் தலையில் பலத்த காயம் அடைந்த சிவலிங்கம், நல்லான் ஆகியோர் சம்பவ இடத்திேலயே பரிதாபமாக இறந்தனர். படுகாயம் அடைந்த மலையாண்டியை அந்த வழியாக வந்தவர்கள் மீட்டு சிவகங்கை அரசு ஆஸ்பத்திரியில் சிகிச்சைக்காக சேர்த்தனர்.

விபத்து குறித்து அறிந்த மானாமதுரை போலீஸ் இன்ஸ்பெக்டர் முத்துகணேஷ் அங்கு சென்று சிவலிங்கம், நல்லான் உடல்களை கைப்பற்றி பிரேத பரிசோதனைக்காக மானாமதுரை அரசு ஆஸ்பத்திரிக்கு அனுப்பி வைத்தார். மேலும் இது தொடர்பாக விசாரணை நடத்தி வருகிறார்.