ரெயிலில் அடிபட்டு 2 பேர் பலி

ஜோலார்பேட்டை

ஜோலார்பேட்டை அருகே ரெயிலில் அடிபட்டு 2 பேர் இறந்தனர்.

ஜோலார்பேட்டை-திருப்பத்தூர் ரெயில் நிலையங்களுக்கு இடையே 40 வயது மதிக்கத்தக்க ஒருவர் தண்டவாளத்தை கடக்கும் போது அந்த வழியாக சென்ற ரெயிலில் அடிபட்டு பரிதாபமாக உயிரிழந்தார்.

இதேபோல குடியாத்தத்தை அடுத்த லத்தேரி-காவனூர் ரெயில் நிலையங்களுக்கு இடையே தண்டவாளத்தை கடக்க முயன்றவர் ரெயிலில் அடிபட்டு பரிதாபமாக உயிரிழந்தார்.

இதுகுறித்து தகவல் அறிந்ததும் ஜோலார்பேட்டை ரெயில்வே போலீசார் சம்பவ இடங்களுக்கு சென்று 2 பேரின் உடல்களையும் மீட்டு பிரேத பரிசோதனைக்காக வேலூர் அரசு மருத்துவமனைக்கு அனுப்பி வைத்தனர்.

இதுதொடர்பாக போலீசார் வழக்குப்பதிவு செய்து, ரெயிலில் அடிபட்டு இறந்தவர்கள் யார்? எந்த ஊரை சேர்ந்தவர்கள் என்பது குறித்து விசாரணை நடத்தி வருகின்றனர்.

----