மணல் கடத்திய 2 பேர் கைது

நெல்லை அருகே உள்ள மேல தாழையூத்து பகுதியில் தாழையூத்து போலீஸ் சப்-இன்ஸ்பெக்டர் இன்னோஸ் குமார் தலைமையில் போலீசார் ரோந்து சென்றனர். அப்போது மேல தாழையூத்து அருகே தியாகராஜநகர், டி.வி.எஸ் நகர் பகுதியைச் சேர்ந்த மாரிமுத்து (வயது 29), தாதனூத்து கிழக்கு தெருவை சேர்ந்த மதுபாலன் (21) ஆகியோர் உரிய அனுமதி சீட்டு இல்லாமல் எம்.சாண்ட் மணலை சட்டவிரோதமாக வாகனங்களில் கடத்திவைத்திருந்து தெரியவந்தது.

உடனே மாரிமுத்து, மதுபாலன் ஆகிய இருவரையும் போலீசார் கைது செய்தனர். மேலும் அவர்களிடமிருந்து 6 யூனிட் எம்.சாண்ட் மணலையும், 2 டிப்பர் லாரிகளையும் பறிமுதல் செய்தனர்.