கார் மோதி 2 வாலிபர்கள் பலி

சாயல்குடி

ராமநாதபுரம் மாவட்டம் சாயல்குடி அருகே கடுகுசந்தை சத்திரம் கிராமத்தைச் சேர்ந்தவர்கள் சோனை முத்து மகன் ராஜேந்திரன்(வயது 17), முனியசாமி மகன் அன்பரசு(20), சண்முகவேல் மகன் லிங்கேஸ்வரன்(22). இவர்கள் 3 பேரும் சாயல்குடி அருகே உள்ள மேல செல்வனூர் கிராமத்தில் நடைபெறும் ஆடல்,பாடல் நிகழ்ச்சியை பார்ப்பதற்காக கடுகுசந்தை சத்திரம் கிராமத்தில் இருந்து கிழக்குக் கடற்கரை சாலையில் இருசக்கர வாகனத்தில் சென்றனர்.

சாத்தங்குடி விலக்கு அருகே சென்றபோது, ராமநாதபுரம் புத்தேந்தல் கிராமத்தில் இருந்து வந்த கார் எதிர்பாராதவிதமாக இருசக்கர வாகனம் மீது மோதியது. இதில் ராஜேந்திரன், அன்பரசு ஆகிய இருவரும் சம்பவ இடத்திலேயே பரிதாபமாக இறந்தனர். லிங்கேஸ்வரன் கடலாடி அரசு மருத்துவமனையில் அனுமதிக்கப்பட்டு மேல் சிகிச்சைக்காக ராமநாதபுரம் அரசு மருத்துவமனையில் சேர்க்கப்பட்டுள்ளார்.

இதுகுறித்து கடலாடி போலீசார் வழக்குப்பதிவு செய்து விசாரணை நடத்தி வருகின்றனர்.