2 விஷப்பாம்புகள் பிடிபட்டன

இலுப்பூர் அருகே எண்ணை கிராமம் சஞ்சிதோட்டம் பகுதியை சேர்ந்தவர் கலிபுல்லா. இவரது வீட்டிற்குள் 5 அடி நீளமுள்ள விஷப்பாம்பு புகுந்தது. இதுகுறித்து தகவல் அறிந்த இலுப்பூர் தீயணைப்பு நிலைய அலுவலர் முருகேசன் தலைமையிலான வீரர்கள் சம்பவ இடத்திற்கு விரைந்து வந்து விஷப்பாம்பை பிடித்து வனப்பகுதியில் விட்டனர். இதேபோல் இலுப்பூர் ஜீவாநகர் குடியிருப்பு பகுதியில் புகுந்த விஷப்பாம்பை இலுப்பூர் தீயணைப்பு நிலைய வீரர்கள் பிடித்து வனப்பகுதியில் கொண்டு விட்டனர். இதனால் அப்பகுதியில் சிறிது நேரம் பரபரப்பு ஏற்பட்டது.