மது விற்ற 2 பெண்கள் கைது

விக்கிரமங்கலம்:

அரியலூர் மாவட்டம் விக்கிரமங்கலம் போலீஸ் சப்-இன்ஸ்பெக்டர் வேல்முருகன் மற்றும் போலீசார் கோவிந்தபுத்தூர் பகுதியில் ரோந்து பணியில் ஈடுபட்டனர். அப்போது மது விற்கப்படுவதாக கிடைத்த ரகசிய தகவலின்பேரில் கோவிந்தபுத்தூர் தெற்கு தெருவை சேர்ந்த ராஜகுமாரி(48), மேற்கு தெருவை சேர்ந்த பூங்கொடி(45) ஆகியோரின் வீடுகளில் சோதனை செய்தனர். அப்போது 2 பேரின் வீடுகளிலும் விற்பனை செய்வதற்காக மறைத்து வைக்கப்பட்டிருந்த மது பாட்டில்களை பறிமுதல் செய்தனர். மேலும் இது குறித்து போலீசார் வழக்குப்பதிவு செய்து ராஜகுமாரி மற்றும் பூங்கொடி ஆகியோரை கைது செய்து விசாரணை நடத்தி வருகின்றனர்.