மோட்டார் சைக்கிள் திருட்டு வழக்கில் 2 வாலிபர்கள் கைது

பள்ளிகொண்டா போலீஸ் சப்- இன்ஸ்பெக்டர் ராஜகுமாரி மற்றும் போலீசார் ஒதியத்தூர் செல்லும் சாலையில் வாகன தணிக்கையில் ஈடுபட்டு வந்தனர். அப்போது அந்த வழியாக ஒரே மோட்டார் சைக்கிளில் 2 பேர் வந்தனர். அவர்களை மடக்கி விசாரணை மேற்கொண்ட போது அவர்கள் வாணியம்பாடி, சென்னம்பேட்டை கோட்டை தெரு பகுதியை சேர்ந்த ஜாவித் பாஷா என்பவரது மகன் அஸ்கர் அலி (வயது 26), வாணியம்பாடி மேட்டுப்பாளையம் பாரதி நகர் பகுதியைச் சேர்ந்த சோமு என்பவரது மகன் பூபாலன் என்கின்ற காக்கா (19) என்பதும் இருவரும் கூட்டாக சேர்ந்து சென்னை, பூந்தமல்லி, சத்துவாச்சாரி, பள்ளிகொண்டா ஆகிய பகுதிகளில் மோட்டார் சைக்கிள் திருடிவந்தும்தெரிய வந்தது. அதன் பேரில் போலீசார் வழக்குப்பதிவு செய்து அவர்கள் இருவரையும் கைது செய்தனர்.