ஓ.பன்னீர்செல்வம் கட்சி இணைப்பு பேச்சுவார்த்தைக்கு மீண்டும் வருவார் என்ற நம்பிக்கை இருக்கிறது

சென்னை,

சென்னை செனாய் நகரில் நேற்று காலை குழந்தை தொழிலாளர் முறை எதிர்ப்பு நாள் விழிப்புணர்வு கூட்டம் நடைபெற்றது. இந்த கூட்டத்தில் பங்கேற்றுவிட்டு வெளியே வந்த அமைச்சர் டி.ஜெயக்குமார் நிருபர்களுக்கு பேட்டியளித்தார். அப்போது அவர் கூறியதாவது:–

1½ கோடி தொண்டர்களை கொண்ட மாபெரும் இயக்கம் உடைந்துவிடக்கூடாது, இரட்டை இலை சின்னம் முடங்கிவிடக்கூடாது, ஜெயலலிதாவின் ஆட்சி 2021–ல் ஆண்டு மட்டுமல்ல, என்றென்றும் தொடர வேண்டும் என்ற அடிப்படையில் தான் இன்றைக்கு ஜெயலலிதாவின் அரசை முதல்–அமைச்சர் எடப்பாடி பழனிசாமி தலைமையில் வழிநடத்தி கொண்டிருக்கிறோம்.

எனவே, இப்படிப்பட்ட நிலையில் கட்சி பிளவுபடக்கூடாது என்ற அடிப்படையில் தான், பிரிந்துசென்ற சகோதரர்கள் திரும்பி வர வேண்டும் என்கின்ற கண்ணோட்டத்துடன் தான், கதவுகள் திறந்துவைக்கப்பட்டு இருக்கிறது. அவர்கள் வர வேண்டும், பேச வேண்டும், அதன் மூலம் இந்த இயக்கம் வலுப்பட வேண்டும், ஜெயலலிதாவின் ஆட்சி இந்த மண்ணிலே என்றைக்கும் தொடர வேண்டும் என்ற அடிப்படையில் தான் இன்றும் நாங்கள் உள்ளோம்.

அவர்கள் தங்களது முடிவை மறுபரிசீலனை செய்து, பேச்சுவார்த்தை கதவுகள் திறந்துவைக்கப்பட்டுள்ள நிலையில், இயக்கத்தின் நலன் கருதி 1½ கோடி தொண்டர்களை கட்டிக்காக்க வேண்டும் என்ற நிலை கருதி, தமிழ்நாட்டில் ஜெயலலிதாவின் ஆட்சி தொடர வேண்டும் என்ற உணர்வோடு, அவர்கள் பேச்சுவார்த்தைக்கு வருவார்கள் என்ற நம்பிக்கை இருக்கிறது.  இவ்வாறு அவர் கூறினார்.

அதனைத்தொடர்ந்து, நிருபர்கள் கேட்ட கேள்விகளும், அதற்கு அமைச்சர் ஜெயக்குமார் அளித்த பதில்களும் வருமாறு:–