அனைத்து நிவாரண முகாம்களில் தங்க வைக்கப்பட்டவர்கள், வீடு திரும்பினர்-அமைச்சர் எஸ்.பி.வேலுமணி

சென்னை,

அமைச்சர் எஸ்.பி.வேலுமணி நிருபர்களுக்கு பேட்டி அளித்தார். அப்போது அவர் கூறியதாவது:-

தொற்று நோய் பரவாமல் தடுக்க கண்காணிப்பு தீவிரப்படுத்தப்பட்டுள்ளது. நிவாரண முகாம்களில் யாரும் இல்லாவிட்டாலும், தாழ்வான பகுதிகளில் உள்ளவர்களுக்கு உணவு வழங்கப்பட்டு வருகிறது . அனைத்து நிவாரண முகாம்களில் தங்க வைக்கப்பட்டவர்கள், வீடு திரும்பினர்

செம்பரம்பாக்கம் ஏரியின் மொத்த கொள்ளளவான 3,645 மி.கன.அடியில் 1,211 மி.கன. அடி நீர் உள்ளது. பூண்டி, சோழவரம், புழல், செம்பரம்பாக்கம், வீராணம் ஏரிகளில் 35% நீர் மட்டுமே உள்ளது. வீராணம் ஏரியின் மொத்த கொள்ளளவான 1,465 மி.கன. அடியில் 881 மி.கன.அடி நீர் உள்ளது. புழல் ஏரியின் மொத்த கொள்ளளவான 3,300 மி.கன. அடியில் 1,152 மி.கன. அடி நீர் உள்ளது.
இவ்வாறு அவர் கூறினார்.