<
ஆர்.கே. நகர் இடைத்தேர்தல் வாக்கு எண்ணிக்கை தொடங்கியது
ஆர்.கே. நகர் இடைத்தேர்தலுக்கான வாக்கு எண்ணிக்கை இன்று காலை 8 மணிக்கு தொடங்கியது.
ஆர்.கே. நகர்,
ஆர்.கே.நகர் தொகுதிக்கு இந்த மாதம் 21-ந்தேதி இடைத்தேர்தல் நடத்தப்படும் என்று தேர்தல் ஆணையம் அறிவித்தது. அ.தி.மு.க. சார்பில் மதுசூதனன், தி.மு.க. சார்பில் மருது கணேஷ், பா.ஜ.க. சார்பில் கரு.நாகராஜன் ஆகியோரும், சுயேட்சை வேட்பாளராக சசிகலா உறவினர் டி.டி.வி. தினகரன் உள்பட 59 பேர் தேர்தலில் போட்டியிட்டனர்.
இந்த நிலையில், வாக்குப்பதிவு அமைதியான முறையில் நடந்து முடிந்தது.
அதனை தொடர்ந்து மின்னணு எந்திரங்கள் வாக்கு எண்ணும் மையமான ராணி மேரி கல்லூரியின் பொன் விழா கட்டிடத்திற்கு கொண்டு செல்லப்பட்டன. அங்கு மின்னணு எந்திரங்கள் பாதுகாப்பாக வைக்கப்பட்டுள்ளன.
இந்நிலையில், ஓட்டு எண்ணிக்கை இன்று காலை 8 மணியளவில் தொடங்கியது. முதலில் தபால் ஓட்டுகள் எண்ணப்படுகின்றன. அதன்பின்னர் மற்ற வாக்குகள் எண்ணப்படும்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
