<
ஜெயலலிதா மீதும் சசிகலா மீதும் பரபரப்பு புகார் கூறிய அதிமுக எம்பி சசிகலா புஷ்பா தினகரனுடன் சந்திப்பு
ஜெயலலிதா மீதும் சசிகலா மீதும் பரபரப்பு புகார் கூறிய அதிமுக எம்பி சசிகலா புஷ்பா தினகரனை சந்தித்து பேசினார்.
சென்னை
ஆர்.கே.நகர் இடைத்தேர்தலில் டிடிவி தினகரன் வெற்றி பெற்றுள்ள நிலையில் அவருக்கு எம்எல்ஏக்கள் பலர் வாழ்த்து கூறி வருகின்றனர். நேற்று தினகரன் வீட்டுக்கு சென்ற வேலூர் எம்.பி. செங்குட்டுவன் அவருக்கு வாழ்த்து தெரிவித்தார்.
டிடிவி தினகரனுக்கு நடிகர் விஷால், பாரதீய ஜனதா மூத்த தலைவர் சுப்பிரமணியன் சுவாமி, கார்த்தி சிதம்பரம், காங்கிரஸ் தலைவர் திருநாவுக்கரசு உள்பட பலர் வாழ்த்து தெரிவித்து உள்ளனர்.
இந்நிலையில் சென்னையில் அடையாறு இல்லத்தில் தினகரனுடன் அதிமுக எம்பி சசிகலா புஷ்பா சந்தித்து பேசினார். மேலும் நடிகர் மயில்சாமி சந்தித்து பேசினார்.
தன்னைத் தாக்கியதாக ஜெயலலிதா மீதும் சசிகலா மீதும் பரபரப்பு புகார் கூறியிருந்தவர் சசிகலா புஷ்பா என்பது குறிப்பிடத்தக்கது. அதிமுக எம்பி சசிகலா புஷ்பா தினகரனை சந்தித்து பேசியது அரசியல் வட்டாரத்தில் பரபரப்பை ஏற்படுத்தி உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
