மாநில செய்திகள்

அமைதியை விரும்பும் இந்தியா, தேவைப்படும்போது முழுவலிமையையும் பயன்படுத்த தயங்காது - ராம்நாத் கோவிந்த் + "||" + Coimbatore: President Ram Nath Kovind presents President’s Colours to Air Force Station, Hakimpet and 5 Base Repair Depot at the Air Force Station, Sulur.

அமைதியை விரும்பும் இந்தியா, தேவைப்படும்போது முழுவலிமையையும் பயன்படுத்த தயங்காது - ராம்நாத் கோவிந்த்

அமைதியை விரும்பும் இந்தியா, தேவைப்படும்போது முழுவலிமையையும் பயன்படுத்த தயங்காது - ராம்நாத் கோவிந்த்
அமைதியை விரும்பும் இந்தியா, தேவைப்படும்போது முழுவலிமையையும் பயன்படுத்த தயங்காது என ஜனாதிபதி ராம்நாத் கோவிந்த் தெரிவித்தார்.
கோவை,

பல்வேறு நிகழ்ச்சிகளில் கலந்து கொள்வதற்காக ஜனாதிபதி ராம்நாத் கோவிந்த் நேற்று பகல் 12.35 மணியளவில் டெல்லியில் இருந்து விமானப்படை விமானம் மூலம் புறப்பட்டு பிற்பகல் 3.25 மணிக்கு கோவை வந்தார். விமான நிலையத்தில் அவரை கவர்னர் பன்வாரிலால் புரோகித், அமைச்சர் எஸ்.பி.வேலுமணி, போலீஸ் டி.ஜி.பி. ராஜேந்திரன், கலெக்டர் ராஜாமணி, கோவை மாநகராட்சி தனி அதிகாரி ஸ்ரவன்குமார் ஜடாவத் ஆகியோர் பூங்கொத்து கொடுத்து வரவேற்றனர்.

இதையடுத்து ஜனாதிபதி ராம்நாத் கோவிந்த் கார் மூலம் கோவை ரேஸ்கோர்சில் உள்ள அரசு விருந்தினர் மாளிகைக்கு 3.50 மணிக்கு வந்து சேர்ந்தார். அங்கு தங்கிய அவர் மாலை 6 மணி முதல் 7 மணி வரை முக்கிய பிரமுகர்களை சந்தித்து பேசினார். அதைத்தொடர்ந்து ஜனாதிபதி இரவில் தங்கினார்.

கோவையை அடுத்த சூலூர் விமானப்படை தளத்தில் இன்று நடந்த நிகழ்ச்சியில் கலந்து கொண்டார்.  போர் காலங்களிலும், அமைதி நிலவும் காலங்களிலும் முக்கிய பங்காற்றி சிறப்பாக செயல்படும் விமானப் படை பிரிவுகளுக்கு பிரசிடெண்ட் கலர்ஸ் என்ற உயரிய விருது வழங்கும் விழா நடைபெற்றது. 

அவருக்கு 583 விமானப் படை வீரர்கள் அணிவகுப்பு மரியாதை செய்தனர். இந்திய போர் விமானங்கள், ஹெலிகாப்டர்கள் ஆகியவை அங்கு நிறுத்தி வைக்கப்பட்டிருந்தன. வீரர்கள் அணிவகுப்பை வாகனத்தில் சென்ற படி, ஜனாதிபதி  ராம்நாத் கோவிந்த் பார்வையிட்டார்.

இதைத் தொடர்ந்து ஆகாஷ் கங்கா அணி நிகழ்த்திய பாராகிளைடிங் சாகசம் நடைபெற்றது. போர் விமானங்களின் சாகசமும் நடைபெற்றது.

நிகழ்ச்சியில் ஜனாதிபதி ராம்நாத் கோவிந்த் பேசும்போது,  தீவிரவாதிகளின் முகாமை அழித்த தாக்குதலில் விமானப் படை தீரத்துடன் சிறப்பாக செயல்பட்டது.  பேரிடர் காலங்களில்  விமானப்படையின் பணி மகத்தானது. அமைதியை விரும்பும் இந்தியா, தேவைப்படும் போது முழுவலிமையையும் பயன்படுத்த தயங்காது   என கூறினார்

சூலூர் விமானப்படை தள பழுது பார்க்கும் பிரிவு மற்றும் தெலங்கானா மாநிலம் ஹகிம்பேட் விமானப்படை தளத்திற்கு பிரசிடெண்ட்ஸ் கலர்ஸ் விருது வழங்கப்பட்டது.

இந்த நிகழ்ச்சியில் தமிழக ஆளுநர் பன்வாரிலால் புரோகித்,  விமானப்படை தலைமை தளபதி பி.எஸ். தனோவா உள்ளிட்டோர் கலந்து கொண்டனர்.

 நிகழ்ச்சியை முடித்து கொண்டு ஜனாதிபதி கார் மூலம்  கோவை வருகிறார். மதியம் அரசு விருந்தினர் மாளிகையில் தங்கும் அவர் மாலை 4.40 மணிக்கு கார் மூலம் கோவை விமான நிலையம் செல்கிறார்.

அங்கிருந்து ஹெலிகாப்டர் மூலம் 5.25 மணிக்கு ஈஷா யோகா மையம் செல்கிறார். அங்கு நடக்கும் மகாசிவராத்திரி விழாவில் கலந்து கொண்ட பின்னர் இரவு 7 மணிக்கு புறப்பட்டு 7.45 மணிக்கு கோவை வந்தடைகிறார். இரவில் அரசு விருந்தினர் மாளிகையில் தங்கும் ஜனாதிபதி நாளை (செவ்வாய்க்கிழமை) காலை 10 மணிக்கு தனி விமானம் மூலம் டெல்லி திரும்புகிறார்.

தொடர்புடைய செய்திகள்

1. இந்தியாவை பாதுகாத்தவர்களின் துணிச்சலுக்கு தலைவணங்குவோம்: ஜனாதிபதி
கார்கில் போர் வெற்றி தினத்தை முன்னிட்டு ஜனாதிபதி ராம்நாத் கோவிந்த், நாட்டை பாதுகாத்தவர்களுக்கு தலைவணங்குவோம் என்று தெரிவித்துள்ளார்.
2. மேற்கு வங்காளம்- பீகார் ஆளுநர்கள் மாற்றம்
மேற்கு வங்காளம்- பீகார் மாநில ஆளுநர்கள் மாற்றம் செய்யப்பட்டு உள்ளனர்.
3. ஜனாதிபதியுடன் அமித்ஷா சந்திப்பு
ஜனாதிபதி ராம்நாத் கோவிந்தை அமித்ஷா நேற்று சந்தித்தார்.
4. தேர்தலுக்கு பிறகு எதிர்க்கட்சிகள் கூட்டாக ஜனாதிபதியை சந்தித்து புதிய கோரிக்கையை முன்வைக்க திட்டம் என தகவல்
தேர்தலுக்கு பிறகு எதிர்க்கட்சிகள் கூட்டாக ஜனாதிபதியை சந்தித்து புதிய கோரிக்கையை முன்வைக்க திட்டமிட்டுள்ளதாக தகவல்கள் கசிகின்றன.
5. ஜனாதிபதியின் தலையில் கை வைத்து ஆசி வழங்கிய 106 வயது பெண் - பத்ம விருதுகள் வழங்கும் விழாவில் நெகிழ்ச்சி சம்பவம்
ஜனாதிபதி ராம்நாத் கோவிந்திடம் இருந்து பத்மஸ்ரீ விருது பெற்றுக்கொண்ட 106 வயது பெண் ஒருவர், ஜனாதிபதியின் தலையில் கை வைத்து ஆசி வழங்கிய சம்பவம் அனைவரையும் நெகிழ்ச்சியடைய வைத்தது.