இடைத்தேர்தல் அறிவிக்கப்பட்டுள்ள 18 தொகுதிகளுக்கு அ.தி.மு.க. வேட்பாளர்கள் அறிவிப்பு முன்னாள் அமைச்சர் பாலகிருஷ்ணா ரெட்டி மனைவிக்கு வாய்ப்பு

சென்னை,

இது தொடர்பாக, அ.தி.மு.க. ஒருங்கிணைப்பாளரும், துணை முதல்-அமைச்சருமான ஓ.பன்னீர்செல்வம், கட்சியின் இணை ஒருங்கிணைப்பாளரும், முதல்-அமைச்சருமான எடப்பாடி பழனிசாமி ஆகியோர் வெளியிட்டுள்ள அறிவிப்பில் கூறப்பட்டுள்ளதாவது:-

அ.தி.மு.க. ஆட்சி மன்றக்குழு பரிசீலித்து எடுத்த முடிவின்படி, 18-4-2019 அன்று நடைபெற உள்ள சட்டமன்ற தொகுதிகளுக்கான இடைத்தேர்தலில், அ.தி.மு.க. அதிகாரபூர்வ வேட்பாளர்கள் தேர்ந்தெடுக்கப்பட்டு நிறுத்தப்படுகிறார்கள். தொகுதிகள் மற்றும் வேட்பாளர்கள் விவரம் வருமாறு:-

பூந்தமல்லி (தனி)- ஜி.வைத்தியநாதன் (பூந்தமல்லி ஒன்றிய கழக துணை செயலாளர்). பெரம்பூர்- ஆர்.எஸ்.ராஜேஷ் (வட சென்னை கிழக்கு மாவட்ட செயலாளர்). திருப்போரூர்- திருக்கழுக்குன்றம் எஸ்.ஆறுமுகம் (காஞ்சீபுரம் மத்திய மாவட்ட செயலாளர்). சோளிங்கர்- ஜி.சம்பத் (பொதுக்குழு உறுப்பினர்). குடியாத்தம் (தனி)- கஸ்பா ஆர்.மூர்த்தி (குடியாத்தம் நகர துணை செயலாளர்). ஆம்பூர்- ஜே.ஜோதிராமலிங்கராஜா (மாதனூர் ஒன்றிய செயலாளர்). ஓசூர்- எஸ்.ஜோதி பாலகிருஷ்ணா ரெட்டி.

பாப்பிரெட்டிபட்டி - ஏ.கோவிந்தசாமி (தர்மபுரி ஒன்றிய முன்னாள் செயலாளர்). அரூர் (தனி)- வி.சம்பத்குமார் (அரூர் ஒன்றிய இலக்கிய அணி செயலாளர்). நிலக்கோட்டை (தனி)- எஸ்.தேன்மொழி (திண்டுக்கல் மாவட்ட இணை செயலாளர்). திருவாரூர்- ஆர்.ஜீவானந்தம் (நாகை மாவட்ட அவை தலைவர், முன்னாள் அமைச்சர்). தஞ்சாவூர்- ஆர்.காந்தி (தஞ்சாவூர் தெற்கு மாவட்ட மாணவர் அணி செயலாளர்).

மானாமதுரை (தனி)- எஸ்.நாகராஜன் (பொதுக்குழு உறுப்பினர், மானாமதுரை தொகுதி). ஆண்டிபட்டி- ஏ.லோகிராஜன் (ஆண்டிபட்டி ஒன்றிய செயலாளர்). பெரியகுளம் (தனி)- எம்.முருகன். சாத்தூர்- எம்.எஸ்.ஆர்.ராஜவர்மன்.

பரமக்குடி (தனி)- என்.சதன்பிரபாகர் (ஜெயலலிதா பேரவை இணை செயலாளர்). விளாத்திகுளம் - பி.சின்னப்பன் (இலக்கிய அணி இணை செயலாளர்). இவ்வாறு அதில் கூறப்பட்டுள்ளது.