மாநில செய்திகள்

வேலூர் மக்களவை தேர்தல்: பிற்பகல் 3 மணி வரை 52.32 சதவீத வாக்குகள் பதிவு + "||" + Vellore Lok Sabha polls: 52.32% turnout till 3 pm

வேலூர் மக்களவை தேர்தல்: பிற்பகல் 3 மணி வரை 52.32 சதவீத வாக்குகள் பதிவு

வேலூர் மக்களவை தேர்தல்:  பிற்பகல் 3 மணி வரை 52.32 சதவீத வாக்குகள் பதிவு
வேலூர் மக்களவை தொகுதியில் பிற்பகல் 3 மணி நிலவரப்படி 52.32 சதவிகிதம் வாக்குப்பதிவாகி உள்ளது.
வேலூர்,

தமிழகத்தில் மொத்தம் உள்ள 39 நாடாளுமன்ற தொகுதிகளில், 38 தொகுதிகளுக்கு கடந்த ஏப்ரல் மாதம் தேர்தல் நடத்தி முடிக்கப்பட்டது.  பணப்பட்டுவாடா புகார் எதிரொலியாக வேலூர் தொகுதிக்கு மட்டும் தேர்தல் ஒத்திவைக்கப்பட்டது. தேர்தல் நடந்த 39 தொகுதிகளில், தேனி தொகுதியை தவிர மற்ற 37 தொகுதிகளிலும் தி.மு.க. மற்றும் அதன் கூட்டணி கட்சிகள் வெற்றி பெற்றன. தேனி தொகுதியில் மட்டும் அ.தி.மு.க. வெற்றி பெற்றது.

இந்த நிலையில், தேர்தல் நிறுத்தி வைக்கப்பட்ட வேலூர் தொகுதிக்கு இன்று தேர்தல் நடைபெற்று வருகிறது.  இந்த தேர்தலில் அ.தி.மு.க. கூட்டணி சார்பில் புதிய நீதிக்கட்சியின் தலைவர் ஏ.சி.சண்முகம், தி.மு.க. சார்பில் முன்னாள் அமைச்சர் துரைமுருகனின் மகன் கதிர் ஆனந்த், நாம் தமிழர் கட்சி சார்பில் தீபலட்சுமி உள்பட 28 பேர் போட்டியிடுகிறார்கள். பல வேட்பாளர்கள் களத்தில் இருந்தாலும் ஏ.சி.சண்முகத்துக்கும், கதிர் ஆனந்துக்கும் இடையேதான் கடும் போட்டி நிலவுகிறது.

வாக்குப்பதிவு இன்று காலை 7 மணிக்கு தொடங்கியது. உணவு இடைவேளை இன்றி மாலை 6 மணி வரை நடைபெறும்.  வாக்கு எண்ணிக்கை 9-ந்தேதி நடக்கிறது. வேலூர் மக்களவைத் தொகுதியில்  பிற்பகல் 3  மணி நிலவரப்படி 52.32  சதவிகிதம் வாக்குப்பதிவாகி உள்ளது.  

வேலூர் - 54.93%, அணைக்கட்டு - 62.76%, கே.வி.குப்பம் - 55.52%, குடியாத்தம் - 44.38%, வாணியம்பாடி - 46.71%, ஆம்பூர் - 50.86% வாக்குகள் பதிவாகியுள்ளன.

தொடர்புடைய செய்திகள்

1. ரஞ்சி கிரிக்கெட்டில் தமிழகத்துக்கு எதிரான ஆட்டத்தில் சரிவை சமாளித்தது மும்பை அணி
ரஞ்சி கிரிக்கெட் போட்டியில் தமிழகத்துக்கு எதிரான ஆட்டத்தில் மும்பை அணி சரிவை சமாளித்து 6 விக்கெட் இழப்புக்கு 284 ரன்கள் சேர்த்தது.
2. ரஞ்சி கிரிக்கெட்டில் தமிழகம் ஆட்டம் ‘டிரா’
ரஞ்சி கிரிக்கெட் போட்டியில் தமிழ்நாடு-உத்தபிரதேச அணிகள் இடையிலான ஆட்டம் ‘டிரா’வில் முடிந்தது.
3. ரஞ்சி கிரிக்கெட்: தமிழகம்-மத்திய பிரதேசம் ஆட்டம் ‘டிரா’
ரஞ்சி கிரிக்கெட்டில் தமிழகம்-மத்திய பிரதேசம் அணிகள் இடையிலான ஆட்டம் ‘டிரா’வில் முடிந்தது.
4. 3 மீன்பிடி துறைமுகங்கள் அமைக்க தமிழகத்துக்கு ரூ.453 கோடி கடன் - டெல்லியில் ஒப்பந்தம் கையெழுத்து
3 மீன்பிடி துறைமுகங்கள் அமைக்க தமிழகத்துக்கு ரூ.453 கோடி கடன் வழங்குவதற்கான ஒப்பந்தம் டெல்லியில் கையெழுத்தானது.
5. ரஞ்சி கிரிக்கெட்டில் தமிழகத்துக்கு எதிரான ஆட்டத்தில் இமாச்சலபிரதேச அணி 158 ரன்னில் ‘ஆல்-அவுட்’
ரஞ்சி கிரிக்கெட்டில் தமிழகத்துக்கு எதிரான ஆட்டத்தில் இமாச்சலபிரதேச அணி 158 ரன்னில் ‘ஆல்-அவுட்’ ஆனது.