மாநில செய்திகள்

10 போலி நிறுவனங்களின் ரூ.1,600 கோடி சொத்துகளை வருமானவரித்துறை முடக்கியது; சசிகலா குடும்பத்தின் பினாமியா? + "||" + Rs 1,600 crore worth of assets of 10 fake companies frozen

10 போலி நிறுவனங்களின் ரூ.1,600 கோடி சொத்துகளை வருமானவரித்துறை முடக்கியது; சசிகலா குடும்பத்தின் பினாமியா?

10 போலி நிறுவனங்களின் ரூ.1,600 கோடி சொத்துகளை வருமானவரித்துறை முடக்கியது; சசிகலா குடும்பத்தின் பினாமியா?
வருமான வரித்துறை ரூ.1,600 கோடி மதிப்பிலான 10 நிறுவனங்களின் சொத்துகளை முடக்கி இருப்பதாக கூறப்படுகிறது. இது சசிகலாவின் பினாமி சொத்துகளா? என்று விசாரணை நடந்து வருகிறது.
சென்னை,

சசிகலா குடும்பத்தினர், உறவினர்கள் வீடுகள்அலுவலகங்கள் என 187 இடங்களில், கடந்த 2017 மற்றும் 2018-ம் ஆண்டுகளில் வருமான வரித் துறை அதிகாரிகள் அதிரடி சோதனை நடத்தினர். இதில் 1,800 அதிகாரிகள் பல்வேறு குழுக்களாக பிரிந்து, 5 நாட்கள் நடத்திய சோதனையில் ஆயிரக்கணக்கான ஆவணங்கள் சிக்கியது. அந்த ஆவணங்களை அதிகாரிகள் பல்வேறு குழுக்களாகப் பிரிந்து ஆய்வு செய்தனர்.

அப்போது சசிகலா குடும்பத்தினர் 60-க்கும் மேற்பட்ட போலி நிறுவனங்களை தொடங்கி சுமார் ரூ.1,500 கோடிக்கு வரி ஏய்ப்பு செய்திருப்பது கண்டுபிடிக்கப்பட்டது. மேலும் அதிக அளவில் சொத்துக்கள் வாங்கி சேர்த்து இருப்பது தெரியவந்தது.

இதையடுத்து சசிகலா மற்றும் பினாமி பெயர்களில் சொத்துகள் வாங்கிய அவருடைய குடும்பத்தினர்கள், முக்கிய பிரமுகர்கள் மற்றும் வேளச்சேரியில் உள்ள திரையரங்க அதிபர்களுக்கு வருமான வரித்துறை அதிகாரிகள் சம்மன் அனுப்பி வரவழைத்தனர்.

பின்னர், பறிமுதல் செய்யப்பட்ட ஆவணங்களை ஆதாரமாக வைத்துக்கொண்டு சசிகலா குடும்பத்தினர் உட்பட அனைத்து தரப்பினரிடமும் விசாரணை நடத்த தனித்தனி குழுக்கள் உருவாக்கப்பட்டு விசாரணை நடந்தது.

இந்தநிலையில் வருமானவரித்துறை ரூ.1,600 கோடி மதிப்பிலான 10 நிறுவனங்களின் சொத்துகளை முடக்கி இருப்பதாக கூறப்படுகிறது. இது சசிகலாவின் பினாமி சொத்து களா? என்ற அடிப்படையில் விசாரணையும் நடந்து வருகிறது.

மேற்கண்ட தகவல்களை சென்னையில் உள்ள வருமான வரித்துறை உயர் அதிகாரிகள் தெரிவித்து உள்ளனர்.

தொடர்புடைய செய்திகள்

1. சசிகலா ரூ.168 கோடிக்கு பினாமி சொத்து வாங்கியது உண்மை தான் - ஐகோர்ட்டில் வருமான வரித்துறை தகவல்
சசிகலா ரூ.168 கோடிக்கு பினாமி சொத்து வாங்கியது உண்மை தான் என ஐகோர்ட்டில் வருமான வரித்துறை தெரிவித்து உள்ளது.
2. சசிகலாவின் பினாமி என்று அனுப்பிய நோட்டீசை ரத்துசெய்ய வேண்டும் - தொழில் அதிபர் வழக்கில் வருமான வரித்துறை பதில் அளிக்க ஐகோர்ட்டு உத்தரவு
சசிகலாவின் பினாமி என்று அறிவித்து அனுப்பிய நோட்டீசை ரத்து செய்யக்கோரி தொழில் அதிபர் தொடர்ந்த வழக்கிற்கு பதில் அளிக்க வருமான வரித்துறைக்கு சென்னை ஐகோர்ட்டு உத்தரவிட்டுள்ளது.
3. வழக்கை திரும்ப பெறவேண்டும் என்ற சசிகலாவின் மனுவுக்கு வருமான வரித்துறை பதில் அளிக்கவேண்டும் - ஐகோர்ட்டு உத்தரவு
வழக்கை திரும்ப பெற வேண்டும் என்று சசிகலா தாக்கல் செய்த மனுவுக்கு 2 வாரத்துக்குள் பதில் அளிக்கும்படி வருமான வரித்துறைக்கு சென்னை ஐகோர்ட்டு உத்தரவிட்டுள்ளது.
4. நாளைய தமிழகத்தின் தலைவர் மு.க.ஸ்டாலினே என்று பேசிய சசிகலாவின் சகோதரர் திவாகரன்!! -திமுகவில் சேருகிறாரா...?
திமுக தலைவர் மு.க.ஸ்டாலினே நாளைய தமிழகத்தின் தலைவர் என்று சசிகலாவின் சகோதரர் திவாகரன் பேசியுள்ளார். இதனால் அவர் திமுகவில் சேருவார் என்று எதிர்பார்க்கப்படுகிறது.
5. சசிகலாவை தாக்கும் தர்பார்...! -படத்தை பாராட்டும் அமைச்சர் ஜெயக்குமார்
சசிகலாவை மறைமுகமாக விமர்சிக்கும் வகையில், தர்பார் படத்தில் இடம்பெற்றுள்ள வசனத்தை அமைச்சர் ஜெயக்குமார் வரவேற்றுள்ளார்.