சிஸ்டத்தை மாற்றாமல் அரசியலுக்கு வருவது மீன் குழம்பு வைத்த பாத்திரத்தை கழுவாமல் சர்க்கரை பொங்கல் வைப்பது போன்றதாகும்- ரஜினிகாந்த்

சென்னை

தனியார் நட்சத்திர ஓட்டலில் நடிகர் ரஜினிகாந்த் நிருபர்களிடையே பேசினார். அப்போது அவர் கூறியதாவது:-

கடந்த வாரம் மாவட்ட செயலாளர்களைச் சந்தித்து ஆலோசனை நடத்தினேன். ஒரு விஷயத்தில் திருப்தி இல்லை என்று நான் கடந்த வாரம் கூறியிருந்தேன். என்னுடன் பேசிய விவகாரத்தை மாவட்டச் செயலாளர்கள் வெளியிடவில்லை. மாவட்ட செயலாளர்கள்  சந்திப்பு குறித்து வெளியாகும் வதந்திகளுக்கு முற்றுப்புள்ளி வைக்கவே இந்த சந்திப்பு. அதுபோல் என்னுடைய அரசியல் செயல்பாடு எப்படி இருக்கும் என்பதை இப்போது கூற உள்ளேன். அரசியலுக்கு வருவதற்கு முன்பு மக்களுக்கு சில விஷயங்களை தெளிவுபடுத்த விரும்புகிறேன்.

1995 முதல் அரசியலுக்கு வர உள்ளதாக நான் ஒரு போதும் கூறியது இல்லை. அரசியல் வருகை குறித்து நான் முதன்முறையாக 2 ஆண்டுகளுக்கு முன்னர் வெளிப்படையாக பேசினேன்.

ஒருவேளை அரசியலுக்கு வந்தால் எப்படி இருக்க வேண்டும் என்று 1996 முதல் யோசித்துக் கொண்டிருந்தேன். 2016-2017களில் தமிழகத்தில் அரசியல் ஸ்திரத்தன்மை இல்லாமல் இருந்தது

அரசியல் ஸ்திரத்தன்மை இல்லாததால் அரசியலுக்கு வந்து தமிழக மக்களுக்கு சேவை செய்ய விரும்பினேன். அரசியலுக்கு வர உள்ளதை அறிவித்த பிறகு தமிழகத்தில் சிஸ்டம் சரி இல்லை என்று கூறினேன்

சிஸ்டத்தை மாற்றாமல் அரசியலுக்கு வருவது மீன் குழம்பு வைத்த பாத்திரத்தை கழுவாமல் சர்க்கரை பொங்கல் வைப்பது போன்றதாகும் என கூறினார்.