<
கோயம்பேடு கொரோனா பரவல் குறித்து அமைச்சர் ஜெயக்குமார் விளக்கம்
கொரோனோ தொற்று ஏற்பட்டதும் துரிதமாக தமிழக அரசு செயல்பட்டது என அமைச்சர் ஜெயக்குமார் விளக்கம் அளித்துள்ளார்.
சென்னை,
கோயம்பேடு சந்தையில் போதிய பாதுகாப்பு நடவடிக்கைகளை மேற்கொள்ள தவறியதே கொரோனா நோய் தொற்று பரவலுக்கு அடிப்படை காரணம் என்று தமிழக அரசு மீது மு.க.ஸ்டாலின் குற்றம்சாட்டி இருந்தார்.
இந்தநிலையில், கோயம்பேடு கொரோனா பரவல் குறித்து அமைச்சர் ஜெயக்குமார் விளக்கம் அளித்துள்ளார். இது தொடர்பாக அவர் கூறியதாவது:-
கொரோனோ தொற்று ஏற்பட்டதும் துரிதமாக தமிழக அரசு செயல்பட்டது. கோயம்பேடு சந்தையை உடனடியாக மூட முடியாது என தெரியும்.அனைத்து தரப்பினரின் நலனையும் ஆய்வு செய்து எடுத்த நல்ல முடிவு எடுக்கப்பட்டது.
3 இடங்களில் சந்தையை பிரித்து வைக்குமாறு கூறினோம். வியாபாரிகள் பிரதிநிதிகளுடன் துணை முதல்-அமைச்சரும் பேசினார். கோயம்பேடு சந்தையை 5 நாட்களில் மாற்றினோம்.
கோயம்பேடு மார்க்கெட் தொடர்பாக எடுத்தேன், கவிழ்த்தேன் என முடிவு எடுக்க முடியாது. தொற்று ஏற்பட்டதும் அரசு துரிதமாக செயல்பட்டு அனைத்து தரப்பினருக்கும் ஏற்ற வகையில் முடிவு எடுத்தது.
இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
