டீசல் விலை 10 காசுகள் குறைவு, பெட்ரோல் விலையில் மாற்றம் இல்லை

சென்னை,

சர்வதேச சந்தையில் நிலவும் கச்சா எண்ணெய் விலைக்கேற்ப இந்தியாவில் பெட்ரோல், டீசல் விலையை எண்ணெய் நிறுவனங்கள் நிர்ணையித்து வருகின்றன.  நாடு முழுதும்,  கொரோனா வைரஸ் பரவலை தடுக்க, கடந்த மார்ச் இறுதியில், ஊரடங்கு அமல்படுத்தப்பட்டது. இதனால், எரிபொருள் தேவை கணிசமாக குறைந்தது. இதன் காரணமாக மே மாதம் வரை  பெட்ரோல், டீசல் விலையில் எந்த மாறுதலும் செய்யாமல் இருந்தன. 

ஊரடங்கில் தளர்வுகளை அறிவிக்கத் தொடங்கியதும் , பெட்ரோல், டீசல் விலை ஏற்ற இறக்கங்களை சந்தித்து வருகின்றன.  சென்னையில் நேற்று பெட்ரோல், லிட்டர் 85.04 ரூபாய், டீசல் லிட்டர் 78.58 ரூபாய் என  விற்பனையானது. இந்நிலையில், இன்று பெட்ரோல் விலையில் மாற்றம் செய்யப்படவில்லை. டீசல் லிட்டருக்கு 10 காசுகள் குறைந்து, 78.58 ரூபாய்க்கு விற்பனையாகிறது.