திமுக பொதுக்குழு கூடியது -பொதுச்செயலாளர் துரைமுருகன், பொருளாளர் டி.ஆர்.பாலு என ஸ்டாலின் அறிவிப்பு

சென்னை,

திமுகவின் பொதுக்குழு கூட்டம் இன்று காலை 10 மணிக்கு துவங்கியது. காணொலி வாயிலாக நடைபெறும் இந்தக் கூட்டத்தில் தமிழகம் முழுவதும் 67 இடங்களில் இருந்து சுமார் 3,500 பேர் பங்கேற்கின்றனர். பொதுக்குழுவில் மாவட்டச் செயலாளா் தலைமையில் அந்தந்த மாவட்டத்தின் ஒன்றிய, நகர, பொதுக்குழு உறுப்பினா்கள் பங்கேற்றுள்ளனர்.

பொதுச் செயலாளா் பதவிக்கு துரைமுருகன், பொருளாளா் பதவிக்கு டி.ஆா்.பாலு ஆகியோா் மட்டுமே மனு அளித்தனா். இதனால், இருவரும் போட்டியின்றி ஒருமனதாகத் தோ்ந்தெடுக்கப்பட்டனர். பொதுச்செயலாளராக தேர்வு செய்யப்பட்ட துரைமுருகனுக்கு திமுக தலைவர் மு.க ஸ்டாலின் வாழ்த்து தெரிவித்தார். அதேபோல், பொருளாளராக தேர்வான டி ஆர் பாலுவுக்கும் ஸ்டாலின் வாழ்த்து தெரிவித்தார்.