சென்னையில் தக்காளி விலை ரூ.90 வரை விற்பனை

சென்னை,

தமிழகத்தில் பெய்து வரும் கனமழையின் காரணமாக காய்கறிகளின் உற்பத்தி குறைந்துள்ளது. இதுபோல், வெளிமாநிலங்களிலும் கனமழை பெய்வதால் காய்கறிகளின் வரத்து வெகுவாக குறைந்துள்ளது. இந்த காரணங்களால் கடந்த 2 வாரங்களாக காய்கறிகளின் விலை கடுமையாக உயர்ந்துள்ளது. 

குறிப்பாக தக்காளியின் விலை ஒரு கிலோவுக்கு ரூ.150 வரை சென்றது. அதன்பின்னர் படிப்படியாக வரத்து அதிகரித்ததை தொடர்ந்து தக்காளியின் விலை கடந்த சில தினங்களாக கிலோ ரூ.50 முதல் ரூ.70-க்கு விற்பனையானது.

இந்தநிலையில் இன்று சென்னையில் தக்காளியின் விலை ரூ.90 வரை விற்பனை செய்யப்படுகிறது. நவீன் தக்காளியின் ஒரு கிலோ 90-க்கு விற்பனை செய்யப்படுகிறது. நாட்டுத் தக்காளியின் விலை கிலோவுக்கு ரூ.80-க்கு விற்பனை செய்யப்படுகிறது. சில்லறை விலையில் ஒரு கிலோ தக்காளி 100-க்கு விற்பனை செய்யப்படுகிறது. வரத்து குறைவு காரணமாக தக்காளி மொத்த விலையில் மீண்டும் உயர்வு ஏற்பட்டுள்ளது. இதைபோல மற்ற காய்கறிகளின் விலையும் கணிசமாக அதிகரித்துள்ளது.