<
இன்ஸ்டாகிராமில் இளம்பெண்ணின் புகைப்படத்தை ஆபாசமாக பதிவிட்ட சிறுவன் கைது
இன்ஸ்டாகிராம் சமூக வலைத்தளத்தில் இருந்து ஓசூர் இளம்பெண்ணின் புகைப்படத்தை எடுத்து ஆபாசமாக பதிவிட்ட சிறுவனை கிருஷ்ணகிரி சைபர் கிரைம் போலீசார் கைது செய்தனர்.
கிருஷ்ணகிரி,
கிருஷ்ணகிரி மாவட்டம் ஓசூரை சேர்ந்தவர் 21 வயது இளம்பெண். இவர் சமூக வலைத்தளமான இன்ஸ்டாகிராமில் இருந்து வந்தார். இவரது இன்ஸ்டாகிராம் பக்கத்தில் இருந்து இவரது படத்தை ஓசூரை சேர்ந்த 18 வயது சிறுவன் பதிவிறக்கம் (டவுன்லோடு) செய்தார்.
பின்னர் போலியாக ஒரு இன்ஸ்டாகிராம் கணக்கை தொடங்கி, அந்த கணக்கின் முகப்பு(புரொபைல்) படமாக அந்த இளம்பெண்ணின் புகைப்படத்தை ஆபாசமாக ‘மார்பிங்’ செய்து அந்த சிறுவன் வைத்தார். மேலும் அந்த இளம்பெண் குறித்து ஆபாசமான வரிகளுடன் குறிப்பிட்டு, அவரை தொடர்பு கொள்ளுங்கள் என்று குறிப்பிட்டு இருந்தார்.
இது குறித்து அறிந்த அந்த இளம்பெண் சம்பந்தப்பட்ட சிறுவனிடம் கேட்டார். அப்போது அந்த சிறுவன், இளம்பெண்ணை மிரட்டியதுடன் ஆபாச வீடியோ குழுக்களில் உனது புகைப்படங்களை வெளியிட்டு விடுவேன் என்று மிரட்டி உள்ளார்.
உடனே அந்த இளம்பெண் கிருஷ்ணகிரி சைபர் கிரைம் போலீஸ் நிலையத்தில் புகார் செய்தார். அதன்பேரில் போலீஸ் இன்ஸ்பெக்டர் காந்திமதி விசாரணை நடத்தி, சம்பந்தப்பட்ட சிறுவனை கைது செய்தார். அவர் மீது கொலை மிரட்டல், தகவல் தொழில் நுட்பத்தை தவறாக பயன்படுத்துதல் உள்ளிட்ட பிரிவுகளின் கீழ் வழக்குப்பதிவு செய்யப்பட்டுள்ளது.
கைதான சிறுவன் இதேபோல வேறு பெண்களின் புகைப்படங்களை சமூக வலைத்தளங்களில் இருந்து பதிவிறக்கம் செய்து, ஆபாசமாக சித்தரித்து வெளியிட்டுள்ளாரா? அல்லது அவர்களை மிரட்டி உள்ளாரா? என கிருஷ்ணகிரி சைபர் கிரைம் போலீசார் தீவிர விசாரணை நடத்தி வருகிறார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
