<
புகைப்பட கலைஞர் குடும்பத்திற்கு ரூ.3 லட்சம் நிதி: முதல் அமைச்சர் மு.க ஸ்டாலின்
பத்திரிகை புகைப்படக் கலைஞர் குமாரை இழந்து வாடும் அவரது குடும்பத்தினருக்கு முதல் அமைச்சர் மு.க ஸ்டாலின் ஆழ்ந்த இரங்கல் தெரிவித்துள்ளார்.
சென்னை,
சென்னை யு.என்.ஐ செய்தி நிறுவனத்தில் பணிபுரியும் மூத்த புகைப்பட பத்திரிக்கையாளர் டி குமார் தனது அலுவலகத்தில் தூக்கில் தொங்கிய நிலையில் தற்கொலை செய்து கொண்டார். இது குறித்து போலீசாருக்கு தகவல் தெரிவிக்கப்பட்டதை அடுத்து அவரை கீழ்ப்பாக்கம் அரசு மருத்துவக் கல்லூரி மருத்துவமனைக்கு கொண்டு சென்றனர்.
பிரேதப் பரிசோதனைக்குப் பிறகு அவரது உடல் திங்கள்கிழமை குடும்பத்தினரிடம் ஒப்படைக்கப்பட்டது. 56 வயதான குமாருக்கு மனைவி, மகன் மற்றும் ஒரு மகள் உள்ளனர். புகைப்படக் கலைஞர் தற்கொலை செய்து கொண்டது தொடர்பாக போலீசார் விசாரணை நடத்தி வருகின்றனர்.
இந்த நிலையில், மறைந்த பத்திரிக்கை புகைப்பட கலைஞர் திரு.டி.குமார் அவர்களின் குடும்பத்தாருக்கு முதலமைச்சர் மு.க ஸ்டாலின் ஆறுதல் கூறி, ரூ. 3 இலட்சம் பத்திரிகையாளர் நல நிதியத்தில் இருந்து வழங்க உத்தரவிட்டுள்ளதாக முதல்வர் அலுவலகத்தின் டுவிட்டர் பக்கத்தில் தெரிவிக்கப்பட்டுள்ளது.
மேலும், பத்திரிகைத் துறையில் நீண்ட அனுபவம் பெற்ற, யு.என்.ஐ. செய்தி நிறுவனத்தின் சென்னை அலுவலகத் தலைமை நிர்வாகியும், மூத்த புகைப்படக் கலைஞராகவும் பணியாற்றிய திரு.டி.குமார் அவர்கள் உயிரிழந்ததையடுத்து முதலமைச்சர் முக ஸ்டாலின் இரங்கல் தெரிவித்துள்ளதாகவும் தெரிவிக்கப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
