<
சென்னை: நகைக்காக பெண்ணை கொலை செய்த 2 பேருக்கு ஆயுள்தண்டனை..!
நகைக்காக பெண்ணை கொலை செய்த 2 பேருக்கு ஆயுள்தண்டனை விதித்து சென்னை கோர்ட்டு தீர்ப்பு வழங்கியுள்ளது.
சென்னை,
சென்னை பெரம்பூர் மதுரைசாமி மடம் கிழக்கு தெருவில் வசித்து வந்தவர் துர்காதேவி (52). கடந்த 25.3.2013 அன்று தனியாக வீட்டில் இருந்த இவரை மர்மநபர்கள் 2 பேர் கத்தியால் குத்தி கொலை செய்து அவர் அணிந்திருந்த நகைகளை கொள்ளையடித்து சென்றனர்.
இதுகுறித்து திரு.வி.நகர் போலீசார் வழக்குப்பதிவு செய்து விசாரணை நடத்தினர்.
விசாரணையில் ஓட்டேரி எஸ்.எஸ்.புரம் பகுதியைச் சேர்ந்த ஜெயபால் மகன் கார்த்திக் (31), முனியாண்டி மகன் கார்த்திக் என்ற கிருஷ்ணாயில் கார்த்திக் (30) ஆகியோர் துர்காதேவியை கொலை செய்து நகையை கொள்யைடித்து சென்றது தெரியவந்தது.
இதைத்தொடர்ந்து அவர்கள் இருவரையும் போலீசார் கைது செய்தனர்.
இந்த வழக்கு விசாரணை சென்னையில் உள்ள மகளிர் கோர்ட்டில் நீதிபதி டி.எச்.முகமது பாரூக் முன்னிலையில் நடந்து வந்தது. போலீசார் தரப்பில் சிறப்பு அரசு வக்கீல் பி.ஆரத்தி ஆஜராகி வாதாடினார்.
வழக்கை விசாரித்த நீதிபதி, கார்த்திக், கிருஷ்ணாயில் கார்த்திக் ஆகியோர் மீதான குற்றச்சாட்டு நிரூபிக்கப்பட்டுள்ளதாக கூறி அவர்களுக்கு ஆயுள்தண்டனையும், தலா ரூ.15 ஆயிரம் அபராதமும் விதித்து தீர்ப்பு கூறினார்.
இந்த அபராத தொகையில் ரூ.20 ஆயிரத்தை துர்காதேவியின் கணவர் ராமச்சந்திரன், மகள்கள் ஹேமலதா, ஜெயஸ்ரீ ஆகியோருக்கு இழப்பீடாக வழங்க வேண்டும் என்றும், கூடுதல் இழப்பீடு வழங்க மாவட்ட சட்டப்பணிகள் ஆணைக்குழு உரிய நடவடிக்கை எடுக்க வேண்டும் என்றும் உத்தரவிட்டார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
