<
இருசக்கர வாகனம் மீது கார் மோதி விபத்து; கட்டிட தொழிலாளி உயிரிழப்பு...!
இருசக்கர வாகனம் மீது கார் மோதிய விபத்தில் கட்டிட தொழிலாளி உயிரிழந்து உள்ளார்.
ஜோலார்பேட்டை,
திருப்பத்தூர் மாவட்டம் நாட்டறம்பள்ளி அருகே உள்ள கூத்தாண்டகுப்பம் பகுதியை சேர்ந்தவர் கோபி (வயது 33). இவர் கட்டிட தொழிலாளியாக வேலை செய்துவந்துள்ளார்.
இவரது மனைவி மஞ்சுளா. இந்த தம்பதிகளுக்கு ஹேமலதா, யுவராஜ் என்ற இரண்டு பிள்ளைகள் உள்ளனர்.
கோபி நேற்று இரவு தனது இருசக்கர வாகனத்தில் கிருஷ்ணகிரி-வாணியம்பாடி தேசிய நெடுஞ்சாலையில் சென்று கொண்டிருந்த போது எதிரே வந்த கார் இருசக்கர வாகனத்தின் மீது மோதி உள்ளது.
இந்த விபத்தில் கோபியின் தலையில் பலத்த காயம் ஏற்பட்டதில் அவர் சம்பவ இடத்திலேயே உயிரிழந்துள்ளார்.
இது குறித்து அறிந்த நாட்டறம்பள்ளி போலீஸ் இன்ஸ்பெக்டர் சாந்தி சப்-இன்ஸ்பெக்டர் முனிரத்தினம் மற்றும் போலீசார் சம்பவம் இடத்திற்கு விரைந்துவந்தனர்.
பின்னர், அங்கு உயிரிழந்து கிடந்த கோபியின் உடலை கைப்பற்றி திருப்பத்தூர் அரசு மருத்துவமனைக்கு பிரேத பரிசோதனைக்காக அனுப்பி வைத்தனர்.
இந்த விபத்து குறித்து வழக்கு பதிவு செய்த போலீசார், கார் டிரைவர் சுரேந்தர் குமாரிடம் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
