<
5 மாநில தேர்தல் முடிவுகள்: டி.டி.நியூஸ் சேனலில் இன்று நேரடி ஒளிபரப்பு
கோப்புப்படம்
டி.டி.நியூஸ் சேனலில் 5 மாநில தேர்தல் முடிவுகள் இன்று நேரடி ஒளிபரப்பாகிறது.
சென்னை,
மத்திய அரசின் பத்திரிகை தகவல் அவலுவலகம் வெளியிட்டுள்ள செய்திக்குறிப்பில் கூறியிருப்பதாவது:-
பொதுத்துறை ஒலிபரப்பு நிறுவனமான பிரசார் பாரதியின் செய்தி பிரிவுகளான டி.டி.நியூஸ் மற்றும் அகில இந்திய வானொலி செய்தியில் 5 மாநில தேர்தல்களின் வாக்கு எண்ணிக்கை தினமான 10-ந் தேதி (இன்று) தேர்தல் முடிவுகளை வினாடிக்கு வினாடி புதிதாக கிடைக்கும் முடிவுகளை ஒளிபரப்ப ஏற்பாடு செய்யப்பட்டுள்ளது.
அத்துடன், அரசியல் நிபுணர்கள் பங்கேற்கும் விவாத நிகழ்ச்சிகளும், இன்று காலை 7 மணி முதல் டி.டி.நியூஸ் தொலைக்காட்சியில் நேரலையாக ஒளிபரப்பப்பட உள்ளது.
அகில இந்திய வானொலியின் செய்தி பிரிவும், இன்று காலை 7 மணி முதல் தேர்தல் முடிவுகளை உடனுக்குடன் வெளியிட ஏற்பாடு செய்யப்பட்டுள்ளது. அகில இந்திய வானொலியின் எப்.எம்.கோல்டு, எப்.எம் ரெயின்போ, விவித் பாரதி மற்றும் அகில இந்திய வானொலியின் பிற உள்ளூர் அலைவரிசைகளிலும் தேர்தல் முடிவுகள் ஒலிபரப்பப்பட உள்ளது.
இவ்வாறு அதில் கூறப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
