<
புதுச்சேரி அண்ணா சாலையில் ஜவுளிக்கடையில் பணம் திருட்டு மர்ம நபர்களுக்கு வலைவீச்சு
புதுச்சேரி அண்ணா சாலையில் உள்ள பிரபல ஜவுளிக்கடையில் ரூ.17 ஆயிரத்தை திருடிச்சென்ற மர்ம நபர்களை போலீசார் வலைவீசி தேடி வருகின்றனர்.
புதுச்சேரி
புதுச்சேரி அண்ணா சாலையில் உள்ள பிரபல ஜவுளிக்கடையில் ரூ.17 ஆயிரத்தை திருடிச்சென்ற மர்ம நபர்களை போலீசார் வலைவீசி தேடி வருகின்றனர்.
பணம் திருட்டு
புதுச்சேரி அண்ணா சாலையில் தனியார் ஜவுளிக்கடை உள்ளது. இந்த கடையில் கடந்த 9-ந் தேதி இரவு ஊழியர்கள் வேலையை முடித்து விட்டு கடையை மூடிச் சென்றனர். மறுநாள் காலையில் வழக்கம்போல் கடையை திறந்தனர்.
அப்போது கடையில் இருந்த கல்லாப்பெட்டி உடைக்கப்பட்டு அதில் வைத்திருந்த ரூ.17 ஆயிரம் திருட்டு போயிருந்தது. இதனால் அதிர்ச்சியடைந்த ஊழியர்கள் கடையின் உரிமையாளர் சரவணனுக்கு தகவல் தெரிவித்தனர். அவர் இது தொடர்பாக உருளையன்பேட்டை போலீசில் புகார் அளித்தார்.
போலீசார் விசாரணை
உடனே இன்ஸ்பெக்டர் மனோஜ் மற்றும் போலீசார் சம்பவ இடத்திற்கு விரைந்து சென்று பார்வையிட்டனர். அப்போது ஜவுளிக்கடையின் 5-வது மாடியில் இருந்த கிரில் கேட் திறந்து கிடந்தது. மர்மநபர்கள் அந்த வழியாக உள்ளே வந்து கடையின் கல்லாப்பெட்டியை உடைத்து அதில் இருந்த பணத்தை திருடிச்சென்றது தெரியவந்தது.
திருட்டில் ஈடுபட்டவர்களை அடையாளம் காண ஜவுளி கடையில் பொருத்தப்பட்டுள்ள கண்காணிப்பு கேமராவை போலீசார் ஆய்வு செய்தனர். அப்போது கேமரா வேலை செய்யவில்லை என்பது தெரியவந்தது.
திருட்டு குறித்து ஒதியஞ்சாலை போலீசார் வழக்குப்பதிவு செய்து ஜவுளிக்கடையில் பணத்தை திருடிச்சென்ற மர்ம நபர்களை வலைவீசி தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire