<
நோயாளியை தொட்டிலில் தூக்கி செல்லும் அவலம்...!
பாதைவசதி இல்லாததால் நோயாளியை தொட்டிலில் தூக்கி செல்லும் அவல நிலை ஏற்பட்டுள்ளது.
தளி,
திருப்பூர் மாவட்டம் உடுமலை அடுத்த ஆனைமலை புலிகள் காப்பக பகுதியில் உடுமலை மற்றும் அமராவதி வனச்சரகங்கள் உள்ளன.
இங்குள்ள தளிஞ்சி, தளிஞ்சிவயல், ஆட்டுமலை, ஈசல்தட்டு, பொருப்பாறு, கோடந்தூர், குருமலை, மாவடப்பு, மஞ்சம்பட்டி, கீழானவயல், கருமுட்டி, பூச்சகொட்டாம்பாறை, குளிப்பட்டி ,முள்ளுப்பட்டி உள்ளிட்ட மலைவாழ் குடியிருப்புகள் உள்ளனர்.
இந்த பகுதிகளில் ஏராளமான மலைவாழ் மக்கள் வசித்து வருகின்றனர். இவர்கள் விவசாயத்தை பிரதான தொழிலாக செய்து வருகின்றனர். அத்துடன் ஆடு, மாடு, கோழி வளர்ப்பு, தைலம் காய்ச்சுதல், தேன் எடுத்தல் உள்ளிட்ட சுய தொழில்களையும் மேற்கொண்டு வருகின்றனர்.
இங்குள்ள மக்கள் கல்வி, சுகாதாரம், சாலை வசதி போன்ற அடிப்படை வசதிகள் இன்றி தவித்து வருவதாக குற்றம் சாட்டி வருகின்றனர். குறிப்பாக தகவல் தொடர்பு பாதை வசதி இல்லாததால் அவசரகால உதவிகளை பெறுவதில் பெரும் சிக்களை சந்தித்து வருவதாகவும் தெரிவித்து உள்ளனர்.
இது குறித்து ஈசல்தட்டு மலைவாழ் மக்கள் கூறுகையில்,
அடர்ந்த வனப்பகுதியில் வசித்து வருகின்ற எங்களுக்கு சமதளப்பரப்பு போன்று எந்த ஒரு உதவியும் எளிதில் கிடைக்காது. பிரசவம், உடல்நலக்குறைவு, விபத்து, வனவிலங்குகளால் ஏற்படும் தாக்குதல் உள்ளிட்ட சம்பவங்களில் பாதிப்படையும் பொதுமக்களை எளிதில் மருத்துவ சிகிச்சைக்கு கொண்டு செல்ல முடியாத நிலை நிலவுகிறது.
இந்த நிலையில் யாருக்காவது மருத்துவ உதவி தேவை என்றார் தொட்டில் கட்டி அடர்ந்த வனப்பகுதிகளின் வழியாக சுமந்து செல்லவேண்டியது உள்ளது.
பின்னர் அடிவாரத்துக்கு வந்தது வாகனத்தை பிடித்து மருத்துவமனையில் அனுமதிக்க வேண்டிய நிலை உள்ளது. இந்த நேரத்துக்குள் பாதிக்கப்பட்டவரின் உயிர் கேள்விக்குறியாகி விடுகின்றது.
மேலும், எங்களின் இத்தகைய நிலை குறித்து அதிகாரிகளுக்கு தொடர்ந்து கோரிக்கை விடுத்து வருகிறோம். ஆனால் அதிகாரிகள் எங்களது கோரிக்கையை பரிசீலித்து நடவடிக்கை எடுக்க முன்வரவில்லை.
இதனால் பெருத்த இன்னல்களுக்கு ஆளாகி வருகின்றோம். எனவே எங்களது நலனைக் கருத்தில் கொண்டு மாவட்ட நிர்வாகம் மலைவாழ் குடியிருப்புகளுக்கு தேவையான அடிப்படை வசதிகளை விரைந்து செய்து தர வேண்டும். என்று தெரிவித்தார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
