சாலையோர பள்ளத்தில் இருசக்கர வாகனம் கவிழ்ந்து விபத்து; ஒருவர் உயிரிழப்பு
ஈரோடு அருகே சாலையோரம் உள்ள பள்ளத்தில் இருசக்கர வாகனம் கவிழ்ந்த விபத்தில் ஒருவர் உயிரிழ்துள்ளார்.
ஆப்பக்கூடல்,
ஈரோடு மாவட்டம் ஆப்பக்கூடல் பகுதியை சேர்ந்த கணேசன் மகன் நாகராஜ் (வயது 34). இவர் இருசக்கர வாகனத்தில் பாத்திரம் விற்பனை செய்யும் தொழில் செய்து வருகின்றார்.
நகராஜின் தாய், தந்தை மற்றும் உடன் பிறந்த தம்பிம் உயிரிழந்த நிலையில் தனது பாட்டியுடன் வசித்து வருகிறார்.இந்நிலையில் நேற்று இரவு வேலைக்காக நாகராஜ் தனது இருசக்கர வாகனத்தில் வெளியே சென்று உள்ளார்.
அப்போது கீழ்வாணி- நஞ்சுண்டாபுரத்திற்கு இடையே சென்ற போது எதிர்பாராத விதமாக நாகராஜ் ஓட்டிச் சென்ற இருசக்கர வாகனம் கட்டுப்பாட்டை இழந்து சாலையோரம் உள்ள 10 அடி பள்ளத்தில் பாய்ந்தது. இந்த விபத்தில் படுகாயம் அடைந்த நாகராஜ் சம்பவ இடத்திலேயே பரிதாபமாக உயிரிழந்தார்.
இது குறித்து அறிந்த ஆப்பக்கூடல் போலீசார் சம்பவ இடத்துக்கு விரைந்து வந்து நாகராஜின் உடலை கைப்பற்றி பிரேத பரிசோதனைக்காக அந்தியூர் அரசு மருத்துவமனைக்கு அனுப்பி வைத்தனர்.
இந்த விபத்து தொடர்பாக வழக்குப்பதிவு செய்து போலீசார் விசாரணை நடத்தி வருகின்றனர்.
Related Tags :
Next Story