<
வேடசந்தூர் அருகே ஆம்புலன்ஸ் கவிழ்ந்து விபத்து - டிரைவர் படுகாயம்...!
வேடசந்தூர் அருகே ஆம்புலன்ஸ் சாலையில் கவிழ்ந்து விபத்தில் டிரைவர் படுகாயம் அடைந்துள்ளார்.
வேடசந்தூர்,
திண்டுக்கல் மாவட்டம் வேடசந்தூர் அருகே உள்ள கருக்காம்பட்டியை சேர்ந்தவர் கந்தசாமி. இவர் நேற்று கொடைக்கானலுக்கு சுற்றுலா சென்றிருந்த பொழுது திடீர் மாரடைப்பு ஏற்பட்டு உயிரிழந்தார்.
அவரை தனியார் மருத்துவமனை ஆம்புலன்ஸ் மூலம் கொண்டு வந்து கருக்காம்பட்டியில் இறக்கி விட்டு மீண்டும் ஆம்புலன்ஸ் கொடைக்கானல் நோக்கி சென்றது.
ஆம்புலன்ஸ் வாகனத்தை சகாயம் (வயது 34) என்பவர் ஓட்டிச் சென்ற போது காக்காத்தோப்பு நான்கு வழிச்சாலையில் இணைவதற்காக வளைவில் வாகனத்தை திருப்பும் போது டிரைவரின் கட்டுப்பாட்டை இழந்த ஆம்புலன்ஸ் வாகனம் நடுரோட்டில் கவிழ்ந்து விபத்துக்கு உள்ளானது.
இதில் சகாயம் பலத்த காயம் அடைந்தார். இது குறித்து அப்பகுதியினர் கொடுத்த தகவலின் பேரில் சம்பவ இடத்துக்கு 108 ஆம்புலன்சில் வந்த மருத்துவ உதவியாளர் சகாயத்தை மீட்டு வேடசந்தூர் அரசு மருத்துவமனையில் அனுமதித்தனர். தற்போது மருத்துவமனையில் இருக்கும் சகாயத்துக்கு டாக்டர்கள் சிகிச்சை அளித்து வருகின்றனர்.
இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
