வருமான வரித்துறையினர் போராட்டம்

முத்தியால்பேட்டையில் வருமான வரித்துறை அலுவலகம் உள்ளது. இங்குள்ள அதிகாரிகள் மற்றும் ஊழியர்கள் பல்வேறு கோரிக்கைகளை வலியுறுத்தி இன்று அலுவலகத்தில் இருந்து வெளிநடப்பு செய்து போராட்டம் நடத்தினர். போராட்டத்திற்கு வருமான வரித்துறை ஊழியர்கள் சம்மேளன புதுச்சேரி கிளை தலைவர் உமா மகேஷ்வரி தலைமை தாங்கினார். இதில் கிளை செயலாளர் அனிருத் ஷர்மா, கணேசன், மண்டல செயலாளர் கோவிந்தன் உள்பட பலர் கலந்து கொண்டனர். போராட்டத்தின்போது, பதவி உயர்வு வழங்க வேண்டும், பணியாளர்களின் விதிகளை இறுதி செய்ய வேண்டும் என்பன உள்பட பல்வேறு கோரிக்கைகளை வலியுறுத்தி கோஷங்கள் எழுப்பப்பட்டது.