<
615 லிட்டர் சாராய ஊறல் அழிப்பு - 2 பேர் கைது...!
பெரம்பலூர் அருகே 615 லிட்டர் சாராய ஊறல்களை அழித்த போலீசார் 2 பேரை கைது செய்தனர்.
பெரம்பலூர்,
பெரம்பலூர் மாவட்ட போலீஸ் சூப்பிரண்டு மணி உத்தரவின்பேரில், மாவட்ட மதுவிலக்கு அமலாக்க பிரிவு கூடுதல் போலீஸ் சூப்பிரண்டு (பொறுப்பு) ஆரோக்கியபிரகாசம் தலைமையிலான போலீசார் சாராயம் தயாரிப்போர் மற்றும் விற்போர் மீது நடவடிக்கை எடுத்து வருகின்றனர்
இந்த நிலையில் இன்று குன்னம் தாலுகா ஒகளூர் வடக்கு தெருவை சேர்ந்த ரவிச்சந்திரன் (வயது 50) என்பவர் சாராயம் தயாரிக்க பேரல்களில் வைத்திருந்த 375 லிட்டர் ஊறலை மது விலக்கு அமலாக்க பிரிவு போலீசார் கைப்பற்றி அழித்தனர். இதையடுத்து ரவிச்சந்திரனை கைது செய்த போலீசார் சிறையில் அடைத்தனர்.
இதேபோன்று அதே கிராமத்தில் காமராஜ் நகரை சேர்ந்த பழனிவேல்(67) என்பவர் தனது கொட்டகையில் பேரல்களில் வைத்திருந்த 240 லிட்டர் சாராய ஊறலையும் போலீசார் கைப்பற்றி அழித்தனர்.பின்னர், பழனிவேலை கைது செய்து சிறையில் அடைத்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
