<
அரசியல் பயணம் எப்போது? - வி.கே. சசிகலா பரபரப்பு பதில்
அரசியல் பயணத்தை எப்போது தொடங்குவீர்கள் என்ற கேள்விக்கு வி.கே.சசிகலா பரபரப்பு பதிலளித்துள்ளார்.
சென்னை,
மறைந்த முதல்-அமைச்சர் ஜெயலலிதாவின் தோழி சசிகலா, தமிழகம் முழுவதும் ஆன்மிக சுற்றுப்பயணம் செய்து வருகிறார். இதற்கிடையில், கோடநாடு கொலை, கொள்ளை வழக்கில் 2 நாட்கள் சசிகலாவிடம் தனிப்படை போலீசார் விசாரணை நடத்தினர்.
அந்த விசாரணையில் 100-க்கும் மேற்பட்ட கேள்விகள் சசிகலாவிடம் கேட்கப்பட்டதாக தகவல் வெளியாகியுள்ளது. சென்னையில் உள்ள சசிகலா இல்லத்தில் இந்த விசாரணை நடைபெற்றது.
இந்நிலையில், சசிகலா இன்று சென்னையில் இருந்து திருச்சிக்கு புறப்பட்டு சென்றார். சென்னை விமான நிலையத்தில் அவர் செய்தியாளர்களை சந்தித்தார். அப்போது அவரிடம் அரசியலில், கோடநாடு வழக்கு உள்பட பல்வேறு விவகாரங்கள் குறித்து செய்தியாளர்கள் கேள்வி எழுப்பினர்.
அதற்கு பதில் அளித்த சசிகலா,
ஆன்மீக பயணத்தை நிறைவு செய்த நிலையில் விரைவில் அரசியல் பயணத்தை தொடங்க உள்ளேன். அதிமுக பொதுச்செயலாளர் வழக்கு தொடர்பாக விரைவில் மேல்முறையீடு செய்வேன்’ என்றார்.
அப்போது, கோடநாடு வழக்கு தொடர்பாக செய்தியாளர்கள் கேள்வி எழுப்பினர். ஆனால், அந்த கேள்விக்கு சசிகலா பதிலளிக்க மறுத்துவிட்டார்.
சென்னையில் இருந்து விமானம் மூலம் திருச்சி வந்த சசிகலா திருச்சி விமான நிலையத்தில் செய்தியாளர்களை சந்தித்தார்.
அப்போது அவரிடம், அரசியல் பயணம் தனியாகவா? அல்லது கூட்டணி கட்சியுடனா? என்ற கேள்வி எழுப்பப்பட்டது.
அதற்கு பதிலளித்த சசிகலா, "பொறுத்திருந்து பாருங்கள்" என்றார். 'உங்களை வரவேற்க வரும் அமமுகவினரை தினகரன் கட்சியை விட்டு நீக்குகிறாரா?' என்ற கேள்விக்கு, நேரடியாக பதில் சொல்ல மறுத்த சசிகலா "கோயிலுக்கு செல்கிறேன். இதுகுறித்து அப்புறம் பதிலளிக்கிறேன்" என்றார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
