12-ம் வகுப்பு மாணவி சிந்துவின் மருத்துவச் செலவை அரசே ஏற்கும் - முதல்-அமைச்சர் மு.க.ஸ்டாலின்

சென்னை,

சென்னை கோடம்பாக்கத்தை சேர்ந்த வாலிபால் வீராங்கனையான 12-ம் வகுப்பு மாணவி சிந்து கடந்த ஆண்டு வீட்டின் 3வது மாடியில் இருந்து தவறி விழுந்ததில் இரு கால் எலும்புகளும் முறிந்தன. சென்னை ராஜீவ் காந்தி அரசு மருத்துவமனையில் அனுமதிக்கப்பட்ட மாணவி சிந்துக்கு 10க்கும் மேற்பட்ட அறுவை சிகிச்சைகள் செய்யப்பட்டுள்ளது. இரண்டு ஆண்டுகளாக படுத்த படுக்கையாக மாணவி சிந்து தனது வாழ்க்கையை நடத்தி வந்துள்ளார்.

இந்த நிலையில், நேற்று 12ஆம் வகுப்பு பொதுத்தேர்வு தமிழகம் முழுவதும் நடைபெற்றது. இந்த தேர்வினை மாணவி சிந்து படுத்த படுக்கையாக எழுதியுள்ளார். இது காண்போரை வியப்பில் ஆழ்த்தியுள்ளது .

இந்த நிலையில், 12ஆம் வகுப்பு மாணவி சிந்துவின் மருத்துவ செலவை அரசே ஏற்கும் என முதல்-அமைச்சர் மு.க.ஸ்டாலின் டுவிட்டர் பக்கத்தில் தெரிவித்துள்ளார்.