கார் டிரைவர் பலி

காரைக்காலை அடுத்த கோட்டுச்சேரி பீமராவ் நகரை சேர்ந்தவர் நாராயணன் (வயது 32). கார் டிரைவரான இவர், நேற்று  இரவு காரைக்கால்-நாகூர் எல்லையில் இருந்து காரைக்கால் நோக்கி மோட்டார் சைக்கிளில் சென்றுகொண்டிருந்தார். அப்போது எதிர் திசையில் இடதுபுறம் செல்ல வேண்டிய சரக்கு வாகனம் வலது புறமாக வந்து நாராயணன் ஓட்டி சென்ற மோட்டார் சைக்கிள் மீது பயங்கரமாக மோதியது. இதில் தூக்கி வீசப்பட்டதில் படுகாயம் அடைந்த அவர் சம்பவ இடத்திலேயே பரிதாபமாக இறந்தார். விபத்து குறித்து காரைக்கால் போக்குவரத்து போலீசார் வழக்குப்பதிவு செய்து விசாரணை நடத்தி வருகின்றனர்.