205 மதுபாட்டில்கள் பறிமுதல்

அருப்புக்கோட்டை,

விருதுநகர் மாவட்டம் அருப்புக்கோட்டை நகர் பகுதிகளில் அனுமதியின்றி மதுபாட்டில்கள் விற்பனை செய்யப்படுவதாக டவுன் போலீசாருக்கு ரகசிய தகவல் கிடைத்தது. அதன் அடிப்படையில் சப்- இன்ஸ்பெக்டர் உமாமாலினி தலைமையில் போலீசார் கொண்ட குழு பெரியார் நகர் பகுதிகளில் சோதனை மேற்கொண்டனர். சோதனையில் பொன்னையா (வயது 46) என்பவர் வீட்டில் விற்பனைக்காக அனுமதியின்றி மதுபாட்டில்கள் பதுக்கி வைத்திருந்தது தெரியவந்தது. இதையடுத்து பொன்னையாவை கைது செய்த போலீசார் அவரிடம் இருந்த 205 மதுபாட்டில்களை பறிமுதல் செய்தனர்.