மணல் கடத்தல்; 3 பேர் கைது

இட்டமொழி:

மூன்றடைப்பு போலீஸ் சப்-இன்ஸ்பெக்டர் கார்த்திகேயன் மற்றும் போலீசார் நேற்று மருதகுளம் பகுதியில் ரோந்து சென்றனர். அப்போது அந்த வழியாக வந்த டிப்பர் லாரி, டிராக்டரை மறித்து சோதனை செய்ததில், அனுமதி இன்றி தாமரைச்செல்வி குளத்தில் இருந்து மணல் கடத்தி வந்தது தெரியவந்தது. அவர்களிடம் விசாரணை நடத்திய போலீசார், பொக்லைன் எந்திர டிரைவர் மருதகுளத்தை சேர்ந்த ஜெயசீலன் மகன் வில்சன் (வயது 37), அதே ஊரைச் சேர்ந்த டிப்பர் லாரி டிரைவர் ராமகிருஷ்ணன் மகன் ராகவன் (வயது 29), கண்டித்தான்குளத்தை சேர்ந்த டேவிட் பொன்ராஜ் மகன் சாமுவேல் (வயது 19) ஆகிய 3 பேரையும் கைது செய்தனர். மேலும் மணல் கடத்தலுக்கு உடந்தையாக இருந்ததாக ஆழ்வாநேரியை சேர்ந்த ஓய்வு பெற்ற ஆசிரியர் ஜோசப் தங்கையா (வயது 60) என்பவர் மீதும் வழக்குப்பதிவு செய்து தேடி வருகின்றனர். டிப்பர் லாரி, டிராக்டர், பொக்லைன் எந்திரம் ஆகியவை பறிமுதல் செய்யப்பட்டன.