சென்னம்பட்டி வனப்பகுதியில் முயல் வேட்டையாட முயன்ற 3 பேர் கைது

அம்மாபேட்டை:

சென்னம்பட்டி வனச்சரகத்துக்கு உள்பட்ட குரும்பனூர் தெற்கு பீட்டில் கருமாரியம்மன் கோவில் சரகத்தில் முயல் வேட்டையாட முயற்சி செய்வதாக சென்னம்பட்டி வனச்சரக அலுவலர் செங்கோட்டையனுக்கு ரகசிய தகவல் கிடைத்தது. அதன்பேரில் வனத்துறையினர் அங்கு சென்று பார்த்தனர்.

அப்போது அங்கு 3 பேர் நெற்றியில் விளக்கு கட்டிக்கொண்டு, கையில் தடியுடன் முயல் வேட்டையாடி கொண்டிருந்தனர். அவர்களை பிடித்து விசாரித்தனர். விசாரணையில் அவர்கள் சேலம் மாவட்டம் மேட்டூர் தாலுகா கொளத்தூர் பகுதியை சேர்ந்த பரத் (வயது 24), அறிவுமணி (26), ஜான் பால் (25) ஆகியோர் என்பதும், இவர்கள் வனப்பகுதிக்குள் அத்துமீறி நுழைந்து முயல் வேட்டையாட முயன்றதும் தெரியவந்தது. இதைத்தொடர்ந்து 3 பேரையும் வனத்துறையினர் கைது செய்தனர். மேலும் 3 பேருக்கும் தலா ரூ.20 ஆயிரம் என மொத்தம் ரூ.60 ஆயிரம் அபராதம் விதிக்கப்பட்டு் வசூலிக்கப்பட்டது.