இரு தரப்பினர் மோதல்-3 பேர் படுகாயம்

பேட்டை:

நெல்லை பேட்டை செக்கடி திருத்தை சேர்ந்தவர் கந்தசாமி மகன் சந்தனகுமார் (வயது 20). இவர் மற்றும் அவரது நண்பர்களான சொர்ணம், சுந்தரம், இஸ்மாயில், பரமசிவம், மாரிச்செல்வம் ஆகியோர் அப்பகுதியில் மோட்டார்சைக்கிளில் வேகமாக சென்றதாக கூறப்படுகிறது. இதனை அதே பகுதியை சேர்ந்த மாடசாமி மகன் சிவபாலன் மற்றும் அவரது நண்பர்களான பயஸ் சாகுல், பூபதி, செல்வம், மாடசாமி ஆகியோர் தட்டி கேட்டுள்ளனர். இதில் இரு தரப்பினருக்கும் இடையே தகராறு ஏற்பட்டுள்ளது.

தகராறு முற்றவே இரு தரப்பினரும் ஒருவரை ஒருவர் கல்லால் தாக்கியதில் சிவபாலன், சந்தனகுமார், பயாஸ் சாகுல் ஆகிய 3 பேரும் படுகாயம் அடைந்தனர். 3 பேரும் நெல்லை அரசு மருத்துவக்கல்லூரி மருத்துவமனையில் சிகிச்சை பெற்று வருகின்றனர்.

இதுகுறித்து சிவபாலன் அளித்த புகாரின் பேரில் சந்தனகுமார், சொர்ணம், சுந்தரம், இஸ்மாயில், பரமசிவம், மாரிச்செல்வம் ஆகிய 6 பேர் மீதும், சந்தனகுமார் அளித்த புகாரின் பேரில் சிவபாலன், பயாஸ் சாகுல், பூபதி, செல்வம், மாடசாமி ஆகிய 5 பேர் மீதும் பேட்டை போலீசார் வழக்குப்பதிவு செய்து விசாரணை நடத்தி வருகின்றனர்.