கடத்தி வந்த 300 மதுபாட்டில்கள் பறிமுதல்

புதுச்சேரியில் இருந்து நாகைக்கு மதுபாட்டில்கள் கடத்தி வந்து விற்பனை செய்யப்படுவதாக துணை போலீஸ் சூப்பிரண்டு பாலகிருஷ்ணனுக்கு தகவல் வந்தது. இதையடுத்து துணை போலீஸ் சூப்பிரண்டு தலைமையில் தனிப்படை போலீசார் நாகை அரசு ஆஸ்பத்திரி சாலையில் வாகன சோதனையில் ஈடுபட்டனர். அப்போது அந்த வழியாக மோட்டார்சைக்கிளில் வந்த நபரை பிடித்து விசாரணை நடத்தினர்.

விசாரணையில் புதுச்சேரியில் இருந்து நாகைக்கு மதுபாட்டில்கள் கடத்தி வந்தது ெதரியவந்தது. பின்னர் மோட்டார்சைக்கிளில் வந்தவர் கொடுத்த தகவலின் பேரில் அந்த பகுதியை சேர்ந்த ஒச்சம்மாள்(வயது50) என்பவர் வீட்டில் இருந்து புதுச்சேரி மதுபாட்டில்கள் 300 பறிமுதல் செய்யப்பட்டது. இதுகுறித்து வெளிப்பாளையம் போலீசார் வழக்குப்பதிவு செய்து ஒச்சம்மாளை கைது செய்து விசாரணை நடத்தி வருகின்றனர்.