சூதாடிய 4 பேர் கைது

திருப்பரங்குன்றம்

திருப்பரங்குன்றம் தென்கால் கண்மாய் பகுதியில் பணம் வைத்து சூதாடுவதாக போலீசாருக்கு ரகசிய தகவல் வந்தது. இதனையடுத்து திருப்பரங்குன்றம் போலீசார் உரிய இடத்திற்கு விரைந்து சென்றனர். அப்போது சூதாட்டத்தில் ஈடுபட்ட நபர்கள் போலீசாரை கண்டதும் ஓட்டம் பிடித்தனர். இதனைத் தொடர்ந்து அவர்களை போலீசார் பின்தொடர்ந்து விரட்டி மடக்கி பிடித்து விசாரணை செய்தனர். அதில் ஹார்விப்பட்டி மார்க்கேன்டயன்(வயது 48), கருப்பசாமி(39), எஸ். ஆர். வி. நகர் முனியாண்டி(43), தியாகவேல்(41) என்று தெரிய வந்தது. இவர்களிடமிருந்து சூதாட பயன்படுத்திய சீட்டு கட்டுகள் மற்றும் ரூ.11 ஆயிரத்து 840-ஐ பறிமுதல் செய்தனர்.