பணம் வைத்து சூதாடிய 4 பேர் கைது

ஈரோடு சூரம்பட்டி போலீசார் பாரதிபுரம் பகுதியில் நேற்று ரோந்து சென்றனர். அங்கு 4 பேர் பணம் வைத்து சூதாடிக்கொண்டு இருந்தனர். அவர்களை போலீசார் மடக்கி பிடித்து விசாரணை நடத்தினர். விசாரணையில் அவர்கள், சூரம்பட்டி நால்ரோட்டை சேர்ந்த தேவராஜ் (வயது 30), கொல்லம்பாளையம் வீட்டுவசதி வாரிய பகுதியை சேர்ந்த லோகநாதன் (39), நேதாஜி நகரை சேர்ந்த கண்ணன் (28), பாரதிபுரத்தை சேர்ந்த அருண் (25) ஆகியோர் என்பது தெரியவந்தது. இதைத்தொடர்ந்து அவர்கள் 4 பேரையும் போலீசார் கைது செய்தனர்.