மது விற்ற 4 பேர் கைது

விக்கிரமங்கலம்:

அரியலூர் மாவட்டம் விக்கிரமங்கலம் போலீஸ் சப்-இன்ஸ்பெக்டர் லோகநாதன் மற்றும் போலீசார் கீழநத்தம் பகுதியில் ரோந்து பணியில் ஈடுபட்டனர். அப்போது மது விற்கப்படுவதாக கிடைத்த ரகசிய தகவலின்பேரில் கீழநத்தம் மெயின்ரோட்டை சேர்ந்த வெங்கடேசன்(வயது 27) என்பவரது வீட்டில் சோதனை செய்தனர். அப்போது அவரது வீட்டின் பின்புறம் விற்பனை செய்வதற்காக மறைத்து வைக்கப்பட்டிருந்த மதுபாட்டில்களை பறிமுதல் செய்தனர்.

இதேபோல் விக்கிரமங்கலம் மெயின்ரோட்டை சேர்ந்த சுரேஷ்(42) என்பவரது வீட்டில் சோதனை செய்து, அங்கு மறைத்து வைக்கப்பட்டிருந்த மது பாட்டில்களை பறிமுதல் செய்தனர். பின்னர் வெங்கடேசன் மற்றும் சுரேஷ் ஆகியோர் மீது போலீசார் வழக்குப்பதிவு செய்து, அவர்களை கைது செய்து விசாரணை நடத்தி வருகின்றனர்.

இதேபோல் உடையார்பாளையம் போலீஸ் சப்-இன்ஸ்பெக்டர் மலரழகன் மற்றும் போலீசார் அப்பகுதியில் ரோந்து பணியில் ஈடுபட்டனர். அப்போது அங்கராயநல்லூர் கிராமத்தைச் சேர்ந்த தமிழ்ச்செல்வன்(31), உடையார்பாளையத்தை சேர்ந்த சூர்யா(22) ஆகியோர் மது பாட்டில்களை பதுக்கி வைத்து கூடுதல் விலைக்கு விற்றது தெரியவந்தது. இது குறித்து போலீசார் வழக்குப்பதிவு செய்து 2 பேரையும் கைது, அவர்களிடம் இருந்த மது பாட்டில்களை பறிமுதல் செய்தனர்.