ரெயிலில் கடத்திய 4 கிலோ கஞ்சா பறிமுதல்

சேலம் உட்கோட்ட ரெயில்வே போலீஸ் சிறப்பு பிரிவு போலீசார் காட்பாடி ரெயில் நிலையத்தில் இருந்து சேலம் ரெயில் நிலையம் வரை ரெயிலில் கஞ்சா மற்றும் போதை பொருள் கடத்தப்படுகிறதா என சோதனை மேற்கொண்டனர். இந்தநிலையில் ஜார்க்கண்ட் மாநிலம் தன்பாத் ரெயில் நிலையத்தில் இருந்து கேரள மாநிலம் ஆலப்புழா வரை செல்லும் எக்ஸ்பிரஸ் ரெயில் ஜோலார்பேட்டை ரெயில் நிலையம் அருகே சென்று கொண்டிருந்த போது தனிப்படையினர் சோதனை செய்தனர்.

அப்போது முன் பதிவு செய்யப்பட்ட பெட்டியில் கழிவறை அருகே இருந்த டிராவல் பேக்கை சோதனை செய்தபோது அதில் 4 கிலோ கஞ்சா இருந்தது தெரியவந்தது. அதனை தனிப்படை போலீசார் பறிமுதல் செய்து ஜோலார்பேட்டை ரெயில்வே போலீஸ் நிலையத்தில் ஒப்படைத்தனர்.

இது சம்பந்தமாக ஜோலார்பேட்டை ரெயில்வே போலீஸ் இன்ஸ்பெக்டர் இளவரசி, சப்- இன்ஸ்பெக்டர் ஜெயக்குமார் மற்றும் போலீசார் வழக்குப் பதிவு செய்து கஞ்சா கடத்திய நபர்கள் யார் என்பது குறித்து விசாரணை நடத்தி வருகின்றனர் வருகின்றனர்.