விருத்தாசலம் அருகே தலைக்குப்புற கார் கவிழ்ந்து விபத்து 4 பேர் படுகாயம்

விருத்தாசலம்,

விருத்தாசலம் அடுத்த கர்ணத்தம் கிராமத்தைச் சேர்ந்தவர் சடகோபன் (வயது 50). இவர் மங்கலம்பேட்டை பில்லூர் புறவழிச் சாலையில் காரை ஓட்டி சென்று கொண்டிருந்தார். அப்போது வேளாங்கண்ணியில் இருந்து ஆந்திர மாநிலம் நோக்கி சென்ற கார், சடகோபனின் காரை முந்திச்செல்ல முயன்றது. அப்போது 2 கார்களும் மோதி விபத்துக்குள்ளானது. இதில் ஆந்திர மாநிலம் நோக்கி சென்ற கார் தலைகுப்புற கவிழ்ந்தது. இந்த விபத்தில் சடகோபன், தங்கராசு மனைவி அஞ்சாப்புலியும், மற்றொரு காரில் வந்த ஆந்திர மாநிலம் சித்தூரை சேர்ந்த பாலுசாமி மகன் வெங்கடேசன், ரகுபதி மனைவி ஆனந்தம்மாள் ஆகியோரும் படுகாயமடைந்தனர். இவர்கள் அனைவரும் உளுந்தூர்பேட்டை அரசு மருத்துவமனையில் சிகிச்சை பெற்றனர். விபத்து குறித்து மங்கலம்பேட்டை போலீசார் வழக்குப்பதிவு செய்து விசாரணை நடத்தி வருகின்றனர்.