பணம் வைத்து சூதாடிய 4 பேர் சிக்கினர்

தேனி புதிய பஸ் நிலைய பகுதியில் உள்ள தனியார் மதுபான பார் அருகில் சிலர் பணம் வைத்து சூதாடுவதாக போலீசாருக்கு தகவல் கிடைத்தது. அதன்பேரில், போலீஸ் சப்-இன்ஸ்பெக்டர் பாஸ்கரன் தலைமையில் போலீசார் அங்கு சென்றனர். அப்போது அங்கு பணம் வைத்து சூதாடியதாக பெரியகுளம் கரட்டூரை சேர்ந்த சந்திரன் (வயது 58), தேனியை சேர்ந்த மகேஸ்வரன் (48), கணேசன் (42), உசிலம்பட்டியைச் சேர்ந்த செல்வம் (60) ஆகிய 4 பேரையும் போலீசார் கைது செய்தனர். அவர்களிடம் இருந்து 52 சீட்டுகள், ரூ.2,120 ஆகியவற்றை போலீசார் பறிமுதல் செய்தனர்.