கார் மோதி 4 வயது சிறுவன் பலி

விராலிமலை தாலுகா தென்னம்பாடி அரசகுடிபட்டியை சேர்ந்தவர் கண்ணன் (வயது 37). இவர், இவரது மனைவி, 4 வயது மகன் லோகேஷ் ஆகியோருடன் ராஜகிரி அருகே சுக்காம்பட்டியில் உள்ள அவரது மாமியார் வீட்டிற்கு சென்றுள்ளார். நேற்று கண்ணனின் சகோதரி ஜோதியுடன் தண்ணீர் பிடிப்பதற்காக அருகிலுள்ள காவிரி குடிநீர் தொட்டிக்கு லோேகஷ் சென்றுள்ளார். தண்ணீரை எடுத்துக்கொண்டு இவர்கள் வீட்டிற்கு வருவதற்காக இலுப்பூர்- புதுக்கோட்டை சாலையை கடந்துள்ளனர். அப்போது அந்த வழியாக மாத்திராம்பட்டியை சேர்ந்த ரவிச்சந்திரன் (45) என்பவர் ஓட்டி வந்த கார் எதிர்பாராதவிதமாக லோகேஷ் மீது மோதியது. இதில் படுகாயமடைந்த லோகேசை அக்கம் பக்கத்தில் உள்ளவர்கள் மீட்டு சிகிச்சைக்காக விராலிமலை அரசு மருத்துவமனைக்கு அனுப்பி வைத்தனர். அங்கு அவரை பரிசோதனை செய்த டாக்டர்கள் லோகேஷ் ஏற்கனவே இறந்து விட்டதாக கூறினர். இதுகுறித்த புகாரின் பேரில் விராலிமலை போலீசார் வழக்குப்பதிவு செய்து விசாரணை நடத்தி வருகின்றனர்.