அரசு பஸ் மோதி 4 வயது சிறுமி பலி

துவரங்குறிச்சி, ஜூன்.18-

துவரங்குறிச்சியை அடுத்த பழையபாளையம் பகுதியைச் சேர்ந்தவர் பழனி. இவரது மகள் தேவதர்ஷினி (வயது 4). நேற்று தேவதர்ஷினி பள்ளி அருகே சாலையோரத்தில் நின்று கொண்டிருந்தார்.

அப்போது, நத்தத்தில் இருந்து துவரங்குறிச்சி நோக்கி சென்ற அரசு பஸ் சிறுமி மீது மோதியது. இதில் படுகாயமடைந்த சிறுமி ரத்த வெள்ளத்தில் சம்பவ இடத்திலேயே பரிதாபமாக உயிரிழந்தார். இது குறித்த புகாரின் பேரில் துவரங்குறிச்சி போலீசார் வழக்குப்பதிவு செய்து விசாரணை நடத்தி வருகின்றனர்.