40 மூடை ரேஷன் அரிசி வேனுடன் பறிமுதல்

விருதுநகர் மாவட்ட உணவு பொருள் கடத்தல் தடுப்பு பிரிவு போலீசாருக்கு நேற்று கிடைத்த ரகசிய தகவலின் பேரில் மதுரை அருப்புக்கோட்டை தேசிய நெடுஞ்சாலையில் ஆவியூர் அருகே வாகன சோதனையில் ஈடுபட்டனர். அப்போது அந்த வழியாக வந்த ஒரு வேனை நிறுத்தி சோதனை செய்தனர். அதில் தலா 30 கிலோ கொண்ட 40 மூடை ரேஷன் அரிசி இருந்தது. அதனை வேனுடன் பறிமுதல் செய்த போலீசார் இது தொடர்பாக அரிசி மற்றும் வேன் உரிமையாளர் மதுரை காமராஜர்புரத்தை சேர்ந்த ஹரிஹரன் (வயது 22), வேன் டிரைவர் மதுரை முனியசாமி கோவில் தெருவை சேர்ந்த மூர்த்தி (21) ஆகிய 2 பேரையும் கைது செய்து வழக்குப்பதிவு செய்துள்ளனர்.