சிவில் சர்வீசஸ் முதல்நிலை தேர்வு எழுத 4,544 பேர் வரவில்லை

மதுரை,

நாடு முழுவதும் சிவில் சர்வீசஸ் முதல்நிலை தேர்வுகள் நேற்று நடந்தது. மதுரை மாவட்டத்தில் இந்த தேர்வு எழுத கண்பார்வை மாற்றுத்திறன் கொண்ட 28 பேர் உள்பட 8 ஆயிரத்து 420 பேர் விண்ணப்பம் செய்து இருந்தனர்.

இவர்கள் தேர்வு எழுதுவதற்காக 17 இடங்களில் 21 தேர்வு மையங்கள் அமைக்கப்பட்டு இருந்தன. 2 அமர்வுகளாக இந்த தேர்வு நடந்தது. காலை 9.30 மணி முதல் 11.30 மணி வரை நடந்த தேர்வை 3 ஆயிரத்து 911 பேர் எழுதினர். 4 ஆயிரத்து 509 பேர் தேர்வு எழுதவில்லை. பிற்பகல் 2.30 மணி முதல் 4.30 மணி வரை நடந்த தேர்வை 3 ஆயிரத்து 876 பேர் எழுதினர். 4 ஆயிரத்து 544 பேர் தேர்வு எழுத வரவில்லை.

புதூர் சி.எஸ்.ஐ. கல்லூரியில் நடந்த தேர்வை கலெக்டர் அனிஷ் சேகர் ஆய்வு செய்தார். இந்த தேர்வை முன்னிட்டு தேர்வு மையங்களில் பலத்த போலீஸ் பாதுகாப்பு போடப்பட்டு இருந்தது.