அதிக பாரம் ஏற்றிய 5 லாரிகள் பறிமுதல்

களியக்காவிளை:

களியக்காவிளை அருகே அதிக பாரம் ஏற்றிய 5 லாரிகள் பறிமுதல் செய்யப்பட்டது.

குமரி மாவட்டம் மற்றும் வெளி மாவட்டங்களில் இருந்தும் தினசரி நூற்றுக்கணக்கான லாரிகளில் அளவுக்கு அதிகமாக கனிமவளங்களை கொண்டு செல்வது தொடர் கதையாகி வருகிறது. அவற்றை தடுக்க போலீசார் லாரிகளை பறிமுதல் செய்து அபராதம் விதித்து வருகிறார்கள்.

இந்தநிைலயில், நேற்று அதிகாலையில் படந்தாலுமூடு பகுதியில் தனிப்பிரிவு போலீசார் சோதனையில் ஈடுபட்டிருந்தனர். அப்போது அந்த வழியாக வந்த 5 கனரக லாரிகளை சோதனை செய்தபோது அதிக பாரத்துடன் கனிமவளங்களை ஏற்றி வந்தது தெரியவந்தது. இதையடுத்து 5 லாரிகளையும் போலீசார் பறிமுதல் செய்தனர். மேலும் இந்த கனிம வளங்கள் எங்கிருந்து கொண்டு வரப்படுகிறது. இதன் உரிமையாளர் யார்? என்ற விவரம் குறித்து போலீசார் விசாரணை நடத்தி வருகின்றனர்.